مطرب الخضار: يغني للبطاطس والباذنجان.. ويستعد لفاكهة الموسم
مطرب الخضار: يغني للبطاطس والباذنجان.. ويستعد لفاكهة الموسم
«الطماطم حمرا جداً أحلى من الموز والخيار، والبطاطس كُل وحمَّر فى القلية دى جامدة نار، والبطاطا منها نشوى كلام بجد مش هزار، البدنجان يلا نحشى من الآخر طعمه دمار»، كلمات يغنيها شاب إلى جوار عربته «الكارو» لبيع الخضراوات بطريقة مختلفة، جذبت الزبائن فى منطقة الحضرة بالإسكندرية.
محمد الأبيض، 24 عاماً، لديه موهبة فى الغناء، أراد أن يستغلها فى عمل يدر عليه دخلاً، يساعده مستقبلاً فى إنتاج أغانٍ، فيسير يومياً بملابسه الأنيقة إلى جوار عربته «الكارو» مردداً أغانى خاصة بالخضراوات والفاكهة: «بحب الغنا، اتجهت لبيع الخضار أنا وصديقى نينو كامل، هو مؤدى مهرجانات، عشان نصرف على موهبتنا وننتج أغانى».
والد «الأبيض» هو أول من اكتشف موهبته: «ماكملتش تعليمى، طلعت من مدرسة الصنايع قسم الإنشاءات المعمارية عشان أتجه لمجال الغناء، درست لفترة فى معهد الموسيقى العربية، نفسى أعمل أغانى، ولقيت فى بيع الخضار مجال أقدر أكسب منه».
منذ اللحظة الأولى التى غنى فيها «الأبيض» للخضار فى شوارع الإسكندرية، خلق حالة مختلفة بمنطقة الحضرة: «الناس بتستنانى أعدى تحت بيتها وأغنى، الفترة الجاية هعمل أغنية للفاكهة، الفكرة بتجذب الناس أنها تقرب وتيجى تشترى».
وحسب قوله، فإنه عقب الفيديو الذى ظهر فيه يمدح أصناف الخضار عرض عليه بعض المنتجين إنتاج أغنية له: «كمان فيه أصحاب محلات طلبت منى أغنى للمنتجات بتاعتها بعد ما فيديو الغناء للخضار وصل لما يقارب مليون مشاهدة، ده شىء فرحنى، أثبت لى إن المختلف بيوصل ويعجب الناس».
