عمرو أديب: "لو حولنا قصر العاصمة الإدارية لمدرسة مش هيسكتوا برضو"

10:34 م | الأحد 22 سبتمبر 2019

عبر الإعلامي عمرو أديب، عن سعادته الشديدة بظهوره في كل قنوات جماعة الإخوان الإرهابية.

وأضاف، خلال تقديمه برنامج "الحكاي" على شاشة "mbc مصر"، "ببقى سعيد أما بلاقي نفسي في كل قنواتهم، ألاقى نفسي في الجزيرة وقنوات تركيا، ودا شيء جيد معناه إن صوتنا بيوصل وعامل مشكلة معاهم بطريقة أو بأخرى".

وتابع، "عايزين نعرف إيه المشكلة، هل القصر الرئاسي اللي بيتعمل في العاصمة الإدارية لو حولناه لمدرسية أو مستشفى الموضوع هيخلص وهتبقى أنت راضي والحكاية هتخلص، أو إننا نعمل مبنى مجلس الزراء مستشفى، لا مش هتخلص لأنهم شايفين إنهم لازم يحكموا والراجل يمشي والبلد تطربق".

واستطرد، "هما ليه بيشككوا فينا، قولنا يوم مكان فيه مظاهرات إن فيه مظاهرات وكان فيه ناس في الشارع وناس غضبانة".

وأوضح، "وزي مفيه ناس غضبانة كان فيه ناس بتقبض، خش شوف القبض دا في تويتر وفيس بوك، تويتر بيكتب إن فيه فيديوهات مدفوعة هل هي مش فلوس ولا بسلة، كل دا اندفع منين، ورأس المال دا جه منين هل جه من تبرعات مثلا، المسألة بقت بايخة وأنا مش قادر أفهم إزاي البشر بقى عندها عمى، أنت الخسران مش هما اللي هيخسروا، اليومين دول بيكتبوا تويتات بيسبوا فيها للطبقة المتوسطة، وبتقولهم إنزلوا".