بالفيديو.. والد فتاة العياط بعد تجديد حبسها: أعصابي تعبانة.. مش عارف أعمل إيه
بالفيديو.. والد فتاة العياط بعد تجديد حبسها: أعصابي تعبانة.. مش عارف أعمل إيه
قال أحمد عبدالله والد فتاة العياط، إنه يأسف على تجديد حبس ابنته "أميرة" لمدة 30 يوما، بعدما قبلت المحكمة استئناف النيابة على حكم إخلاء إخلاء سبيلها في القضية المتهمة فيها بقتل سائق سيارة ميكروباص اتهمته بمحاولة اغتصابها، بكفالة مالية قدرها 10 آلاف جنيه.
وأضاف والد "فتاة العياط"، لـ"الوطن": "متأكد من براءة بنتي، أعصابي تعبانة، ومش قادر ومش عارف هعمل إيه في الـ30 يوم، هروح لها إزاي وهعمل إيه.. خير إن شاء الله كل اللي يجيبه ربنا كويس"، مشيرا إلى أنه كان في انتظار قرار المحكمة لدفع الكفالة.
وأوضح عبدالله، أن هناك عددًا كبيرًا من المساهمين الذين يريدون دفعها، متابعا: "ربنا كبير واللي هيقول كلمة حلوة هتقعد له واللي هيقول كلة وحشة هتقعد له.. أنا سلمت بنتي عشان تاخد حقها واللي غلط ياخد عقابه".
كانت محكمة جنايات القاهرة قبلت استئناف النيابة العامة على قرار إخلاء سبيل "أميرة" والمعروفة إعلاميا بـ"فتاة العياط"، وقررت تجديد حبس المتهمة 30 يوما على ذمة التحقيقات التي تجرى في اتهامها بقتل سائق ميكروباص حاول اغتصابها.
