بريد الوطن| عمر تانى
بريد الوطن| عمر تانى
بينى وبينك عمر تانى
قبل الحياة
وقبل أول رجفة للروح ف الممات
أنا عشت قبلك
ع الأرض من ألفين سنة
بمص دم المعجزات
وأتنفس الحزن اللى عشش ف البيوت
ما قدرت أموت
ولا قادرة عمرى يمر كاس جوة الحانات
قلبى اللى كان ميت ف يوم
ناهش ضلوعه غربان وبوم
شافك عرف معنى الحياة
أنا شوفت فيك سر الإله
وإزاى بيخرج من قلب ميت نبض حى
ويتولد من ليل كفيف أنوار وضى
أنا شوفت فيك كل اللى فات
وراضية بيك من عمر جاى
ورافضة دونك كل آت
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
