أسرة تحتفل بعيد ميلاد «قط معمِّر» وتهديه فانوساً
أسرة تحتفل بعيد ميلاد «قط معمِّر» وتهديه فانوساً
- ميلاد قط معمِّر
- عيد ميلاد قط
- القطط
- حفل عيد ميلاد
- القط بلبل
- ميلاد قط معمِّر
- عيد ميلاد قط
- القطط
- حفل عيد ميلاد
- القط بلبل
بعد أن أتم عامه الـ17، أصبح «بلبل» من القطط القليلة المعمِّرة، حيث يبلغ متوسط عمر القطط 15 عاماً، وهو ما جعل أصحابه ينظمون له حفل عيد ميلاد بدا فيه مرحاً وسعيداً رغم المتاعب التى يشعر بها فى القلب والعظام.
جهزت أميمة عتمان الحفل، أعدت لـ«بلبل» تورتة منزلية تحمل اسمه، وقدم له أفراد أسرتها هدايا متنوعة منها «شيكارة طعام جاف»، وفانوس.
«بلبل عندنا بقاله 17 سنة، له ذكريات مش عادية معانا، خصوصاً مع والدتى، ودا بيخلينا نحس إنه القط الأقرب لقلبنا رغم إن عندنا 10 قطط غيره».. تتحدث «أميمة»، الشابة التى تبهرها تصرفات القط دوماً: «لما بيجيلنا ضيوف بيدخل الصالون عشان مايسيبش ماما تقعد معاهم لوحدها، ولما تتخانق مع حد يقف جنبها ينونو فى وش اللى مزعلها».
هذا الاحتفال ليس هو الأول لـ«بلبل» الذى يحظى بعناية خاصة منذ مولده فى المنزل: «الأول اتبنينا أمه بعد ما كانت هتترمى فى الشارع، خلفته عندنا، ويومها ماما احتفلت بيه وعملت له سبوع وجابت مغات وعزمت صاحباتها وكان يوم جميل»، عناية تجعلها تهديه فانوساً لتزامن عيد ميلاده مع رمضان، بدا كمكافأة له على حسن سيره وسلوكه حيث يلقبه الجميع بـ«القط المحترم»: «بيسمع الكلام، ومش بيعمل شقاوة رغم شقاوته وهو صغير لكنه كبر، أكتر حاجة بتخلينى أفضله وفاؤه الشديد، لما أسافر لأى سبب يمتنع عن الأكل».
معزة خاصة للقط «بلبل» مع تخطيه العمر المتوقع للقطط: «نفسى ربنا يمد فى عمره لأنه حقيقى مبهج ووفى».
