عاجل| السيسي: المشروعات التنموية "مش الجيش اللي بيعملها".. دوره إشرافي

تقدم الرئيس عبدالفتاح السيسي بالشكر للقائمين على العمل بجميع المشروعات الجديدة بالإسماعيلية، سواء الشركات المدنية، مضيفًا "مهم أوي أأكد على النقطة دي لأن الصورة اللي بتتصدر على أن اللي بيقوم بالأمر ده القوات المسلحة".

وأكد السيسي، خلال حفل افتتاح مشروعات قومية تنموية في وسط سيناء والإسماعيلية، أن "كل الشركات العاملة في هذه المشروعات هي شركات مدنية مصرية، زي المقاولون العرب وأوراسكوم بعمال مصريين، حتى مشروعات الأنفاق بتروجيت والمقاولون وأوراسكوم وكونكرد".

وتابع السيسي: "بقول كدا علشان تعرفوا أنه دور الجيش إشرافي وإداري وإلتزام بتسليم المشروعات في مواعيدها وحل المشكلات، لأن التوقيتات مهمة طبقا للتخطيط، وكي يتم تنفيذه، قولنا نخلي جهة إشراف واحدة، وده مش بيتم في كل مشروعات مصر، في تفاصيل فنية خاصة بالوزارات، لازم الإعلاميين في مصر يتناولوا ده من أجل الانطباع والصورة اللي بتتصدر، ده بيتعمل بواسطة شركات مدنية".

ويفتتح الرئيس السيسي 12 مشروعًا تنمويًا، بينها أنفاق قناة السويس، ومدينة الإسماعيلية الجديدة، ومحطة مياه الشرب الكبرى بالإسماعيلية الجديدة، وكورنيش بحيرة الصيادين الجديد، والممشى السياحي على البحيرة وسوق الأسماك المتطور الجديد، ومشروع المحاور المرورية، وكوبري سرابيوم العائم بالإسماعيلية، وكوبري الشهيد أحمد عمر شبراوي بمنطقة الشط بالسويس.  

• السيسي
• السيسي