بريد الوطن| اِتدفَّى
بريد الوطن| اِتدفَّى
الدفة يا مراكبى الدفة
ماشى بتتلصص تتخفى
وفيران الشر عليك زاحفة
م الجوع تتكعبل تتكفى
جراثيمك مالهاش مستشفى
وبطالة مش لاقية الحرفة
ع القهوة الشاى غلب القرفة
والهم عليك ملفوف لفة
والجيب متنفض م الكسفة
والحد الأعلى والأدنى
وأدان بيأدن فى المدنة
مصارين م الجوع طلبت هُدنة
وحكومة هتشوف لك صرفة
عايزين تحسين واقفين واقفة
لفلوسها يا ناس شايلين قفة
بعرقنا فحتنا وكات زفة
روَّق وهتحلى وتتصفى
وتعالى قابلنى ع الضفة
وافتح شبّاك افتح ضلفة
الخير أهو جى والناس شايفة
والراس بتلف متين لفة
والخير فى مراكب بالدفة
وهتنسى البرد وتدفى
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
