محافظة القاهرة تعلن تسليم عقود ورش شق الثعبان.. ومواطنون: ما حصلش
محافظة القاهرة تعلن تسليم عقود ورش شق الثعبان.. ومواطنون: ما حصلش
- شق الثعبان
- ورش شق الثعبان
- وزارة الإسكان
- محافظة القاهخرة
- محافظ القاهرة
- شق الثعبان
- ورش شق الثعبان
- وزارة الإسكان
- محافظة القاهخرة
- محافظ القاهرة
عبر عدد من أصحاب الورش بمنطقة شق الثعبان، بطريق الاوتوستراد- طرة المعادى، عن غضبهم الشديد من تصريحات محافظ القاهرة قبل 5 أيام عن تسليم عقود التمليك لأصحاب الورش بالمنطقة، وذلك بعد ساعات من إعلان المحافظة إدخال المرافق بها، معتبرين هذه التصريحات «مجرد كلام» لم يتحقق حتى اليوم، رغم التزامهم بدفع المبالغ المطلوبة للتقنين فى مقابل ١٨٠٠ جنيه للمتر، فى حين تسلم واحد فقط من أصحاب الورش عقد التمليك المذكور، ولفت الآخرون إلى عدم حصولهم على أى أوراق تفيد تملكهم الورش.
{long_qoute_1}
وقال صابر فهيم، أحد أصحاب الورش بمنطقة «أرض مدحت»: «مفيش لا عقود ولا أى حاجة، أصلاً محدش جه يكلمنى عن تقنين من الأساس، وأتمنى يبقى فيه تمليك وفيه مرافق، تعبنا واشتكينا لما غلبنا».
«مفيش اهتمام بينا، قالوا هنقنن وقلنا ماشى أمرنا لله، ادفعو ١٦٥ جنيه للمتر دفعنا، بعدها قالوا لازم تدفعوا ١٨٠٠ جنيه للمتر وبرضه قلنا ماشى».. قالها جمال عبده، الذى يعمل بالمنطقة منذ ما يزيد على ٢٠ سنة، وأكد أنه يسعى لتقنين أوضاع ورشته الصغيرة منذ بداية عمله بالمنطقة: «فى ٢٠٠٣ بدأت أحاول أقنن أوضاعى وجت لجنة وعملت مقايسة للمكان وبدأت أدفع لحد ٢٠١١، فلما حصلت الثورة بطلت أدفع لأنهم مكانوش بيقبلوا ياخدوا فلوس وقتها، وبعد كده رجعوا تانى يتكلموا عن التقنين وزودوا سعر المتر علينا وقلنا ماشى، ده غير الغرامة اللى دفعتها وأنا مليش ذنب فيها». وقال إبراهيم مصطفى، صاحب ورشة: «رحت عابدين من فترة عشان أشوف وصلوا لإيه، فسمعت موظف بيقول إن مفيش تمليك، هيبقى الموضوع حق انتفاع وخلاص، ومن وقتها ومفيش جديد، ولحد دلوقتى ماشفتش حد أخد عقد، يمكن سلموا لناس تانية غيرنا، ياريت حد يطلع يكلمنا بصراحة ويعرفنا وضعنا هيكون إيه، ويفسر لنا موضوع العقود ده». من جانبه قال مسئول بالمحافظة أنه تم تأجل تسليم العقود لحين استكمال بعض الاجراءات التى تنتهى خلال الفترة المقبلة.
