"عشان متتكومش عليك".. 7 نصائح لعدم تأجيل المهام

02:31 م | الجمعة 01 فبراير 2019

يعاني الكثيرين من مشكلة تأجيل المهام التي يجب انتهائها في وقت محدد سواء بسبب الكسل أو لانشغالهم في مهام أخرى.

ويقدم مصطفى خليفة استشاري تطوير الأعمال عدة نصائح لكيفية عدم تأجيل المهام كما يلي:

1. "اعمل قائمة بالحاجات اللي وراك عشان تبقى عارف بالظبط اللي انت المفروض تخلصه".

2. "لو لقيت حاجة صعبة حاول تفكر في حد يساعدك فيها لأنك لو مش هتعرف تعملها هتفضل تأجل فيها عشان خايف منها".

3. "لو لقيت حاجة مش مهم أنك انت اللي تعملها بس لازم تتعمل ممكن تخلي حد يعملها بدالك، دور على حد مناسب وتابعه وهو بيعملها".

4. "خطط للوقت اللي هتعمل فيه الحاجات ويكون معتمد على الوقت المناسب ليك والوقت اللي المفروض الحاجه ده تخلص فيه، فلو عرفت مثلا أن الحاجة دي هتعملها الأسبوع الجاي عشان مش مستعجلة مش هتفضل شاغل نفسك طول الوقت أنها وراك، انت عارف أنك مش هتعملها دلوقتي لأنها مش مطلوبة دلوقتي".

5. "أهدافك تكون منطقية، ومتحطش 10 حاجات يخلصوا في يوم، حط وقت منطقي يكفي اللي وراك وكمان يكون فيه وقت للراحة".

6. "قسم المهام الكبيرة لمهام صغيرة وبالتالي تبقى أسهل في التخطيط وكمان تحس بالإنجاز وانت بتخلصها".

7. "كافئ نفسك لما تنجز المهام واجعل الجايزة دي قدامك وانت شغال عشان تزود حماسك إنك متكسلش أو تأجل اللي وراك".