بـ«بشائر الخير» ومستحقات الدولة.. السيسي ينتصر لـ«الغلابة» ومستقبل أبنائه

04:16 م | الأربعاء 26 ديسمبر 2018

قال الرئيس عبدالفتاح السيسي، إن «غياب الحوكمة تسبب فى ضياع حق الدولة فى عقود المحاجر والساحات والمحلات، داعيًا إلى تطبيق آلية منضبطة وشديدة القصوى لضمان الحصول على حقوق الدولة.

وأضاف «السيسي»، خلال افتتاحه مشروع «بشائر الخير 2»، بمنطقة غيط العنب بمحافظة الاسكندرية، اليوم، أن «الدولة ممثلة فى وزارة الإسكان قدمت 600 مليون جنيه لمشروع بشائر الخير2»، مؤكدا أن «أقول ذلك لإصلاح الأمر والمجتمع المدنى يشارك معانا، لأنه يقدر، المبلغ المنتظر 7 أو 8 أو 9 مليار جنيه.. طيب المبلغ الذى تم جمعه حتى الآن كام؟ بقول كدة عشان زمايلنا هنا وأهلنا يعرفوا الحكاية ماشية إزاى، ولو عاوزين ندخل فى 3500 وحدة كمان فهذا يتطلب أكثر من 5 أو 7 مليارات جنيه، بقول الكلام دا للناس بشائر الخير وراءه جهد وهمة من رجال الأعمال، وبنك مصر، وتحيا مصر، ولكن مفيش الأموال الكافية".

وحث الرئيس، وزارة المالية والمحليات على متابعة العقود التي يتم إبرامها مع مدنيين والحرص على تحصيل الأموال دون الخوض في نزاعات وتوقيع وثيقة مؤمنة لتحديد حقوق كل طرف، قائلا:"لما نعمل عقود مع ناس مدنيين من أهلنا مش هينفع نبقى ناسيين ناخد الفلوس، ولا يتم تحصيلها بالسنين الطويلة وندخل فى نزاع، دا كلام غريب ومحدش واخد باله منه، خاصة فى الحديقة الدولية، يا تعمل عقد حكومى، والعقد أوله فى إسكندرية وآخره فى أسوان، ووثيقة مؤمنة تخرج لكل الناس وتقول لكل واحد حقنا إيه، وانت تاخد وإحنا ناخد.. لكن انت تاخد لوحدك لا.. إحنا كلنا كمسئولين مش بناخد بالنا من حق الدولة وهذا أمر لن أسمح به، وكل مسئول ينتبه لكل قرش.. ندى للناس حقها وناخد حقنا".

{long_qoute_1}

وتساءل الرئيس: «هل من المعقول إبرام عقد لمدة 20 أو 25 عاما ولم يتم تسديد المستحقات المقررة عليه إلا لعام واحد فقط أما السنوات الأخرى فلم يتم سدادها»، لافتا إلى أن الحديقة الدولية وحدائق أنطونيادس والشلالات الثلاثة مسؤولية على المنطقة الشمالية؛ لكي تنتظم الأمور والدولة تأخذ حقها في هذا الأمر"، مضيفا:"الدولة لازم تاخد حقها مظبوط فى هذا الأمر القديم قبل الجديد.. والناس تاخد الحاجة بتلاتة قروش وميدفعوش كمان!.. المسئولين بالدولة من أول وزير المالية والمحافظ عينه على كل جنيه وكل عقد فى محافظته، يشوفه ويعرف دخله عشان الغلابة، وأقول ذلك كى ننتبه فى إسكندرية وكل حته أنا بلاقى محلات مؤجرة بقالها 20 سنة بأرقام هزيلة، وماله نحترم العقد بس الناس تسدد، لكن إذا لم تسدد وتدخل فى قضايا لا دا حتى ما يرضيش ربنا إنك تاخد وتكبر، والغلابة تضيع كدًا الثلاث مناطق مسئولية المنطقة الشمالية العسكرية، وكل جنيه ميجيش.. الناس تمشى والعقد يتفسخ".

{long_qoute_2}

وأضاف: "ناخد حقنا مظبوط يا إما الناس تمشى إحنا مش بنخاف إلا من ربنا.. دا كلام ميرضيش ربنا إننا ندى الناس الحاجة من غير فلوس.. والناس تكسب مئات الالوف والملايين ومش عاوزة تدفع حق الدولة، والكلام دا مش هيمشى معايا فى أى حته فى مصر، دا كلام ميرضيش ربنا ولا الوطن، أنا مش زعلان من الناس بل زعلان علينا، وعلى حالنا عن الناس بتستبيح وفاكرة إن المال دا مش حرام لا دا مال حرام وتروح تحج وتعمل عمرة.. أنت بتاكل المال اليتيم بتاع الدولة.. والكلام دا ينطبق على المحاجر وكل حاجة، ونعمل قانون للمحاجر".

وقاطع "السيسي"، الدكتور عبدالعزيز قنصوة، محافظ الإسكندرية، أثناء حديثه، معترضا على إطلاق مشروع "بشاير الخير 6"، بعد أن اقترح الاعتماد على رجال الأعمال والمجتمع المدني.

واستفسر الرئيس، عن دخل المحافظة من إيرادات المشروعات المختلفة التى تديرها، ورد عليه "قنصوة":"دخلى الشهرى فى حدود 100 مليون جنيه من الموارد الذاتية، إضافة إلى الموازنة العامة للدولة 550 مليون جنيه"، ورد الرئيس:"لو مكانك هاحسب بالجنيه، سواء إيراد أو صرف، حوكمة الإنفاق على المحافظة يساعد على زيادة حجم الإنفاق"، موجها بطرح عدادات مسبوقة الدفع للمياه والكهرباء والغاز فى كل منشأة جديدة، متابعا:"أى حاجة هانعملها، لازم يكون الثلاث عدادات موجودين".

{long_qoute_3}

كما استفسر عن حجم تجاوزات البناء، ورد المحافظ بالأرقام، قائلا:"التجاوزات التى تمت فى 6 شهور مضت وصلت 900 حالة، تم إزالة أغلبها بـ90%، ولكن المشكلة الرئيسية وجود 112 ألف مخالفة سابقة وهذه المبانى مأهولة بالسكان وهذا التحدى كبير، ونسبة الإزالة 4.5%".ووجه الرئيس حديثه، عقب ذلك، إلى اللواء أحمد العزازي، رئيس الشعبة الهندسية بالمنطقة الشمالية العسكرية، متسائلا: "مش أنت بتكلمني يا أحمد في التليفون تقولي عاوز فلوس؟"، ورد: "لسة واصلني 200 مليون جنيه أول أمبارح من وزارة الإسكان".

وأسند "السيسي"، مسؤولية المناطق المتخلفة عن تسديد مستحقات الدولة بمناطق الإسكان للواء أركان حرب علي عادل عشماوي، قائد المنطقة الشمالية العسكرية: "المناطق دي مسؤوليتك يا علي.. كل جنيه يجي ولو مجاش الناس تمشي.. يا نآخد حقنا مظبوط يا الناس تمشي"، متسائلا:"لما يكون فيه 400 مليون مديونية يبقى الناس ماكانوش بيدفعوا إيجاراتهم من عشرين سنة، يبقى ده معناه إنهم بقالهم 20 سنة مادفعوش، والمنطقة الشمالية هى المسئولة عن الموضوع يا يجيبولي 400 مليون جنيه يا تفضى وعاوز تقرير كل 15 يوم ياناخد حقنا يابلاش"، موجهًا بعمل عقود سليمة تضمن حق الدولة.

واكد الرئيس، إن "عجز شبكات الصرف على استيعاب مياه المطر، يرجع للبناء العشوائى الذى لا تتناسب مع قدرات المجتمع الموجودة"، قائلًا للمسئولين:"اشرحوا للناس سبب عدم قدرة شبكات الصرف على استيعاب مياه المطر، لأنها كانت مجهزة لعدد عمارات ووحدات بشكل وارتفاع معين ولكن حدث أن تضاعفت هذه الوحدات، والدولة تجرى دايما عشان تلاحق التطور"، مؤكدًا أهمية مشروعات الإسكان الاجتماعى وسباق الزمن للقضاء على هذه الأزمة.

وأضاف "السيسي"، أن المحافظ ومديرى الأمن والداخلية والقوات المسلحة معنيين بتحقيق الانضباط، مستطردا:"وأنا جاى بالطائرة رأيت المناطق غرب المطار وجنوبه، فى النزهة الناس بتبنى بيبنوا إيه الأراضى غير مخططة، ولم يحصلوا على تراخيص، فلماذا يصمت المسؤولون؟ عشان هما كتير؟ يعنى هيغلبوا بالكثرة؟"، موجهًا حديثه لمدير أمن إسكندرية والداخلية، قائلا، "الكلام دا فيه تجاوز شديد، الناس تعودت عليه ولم يعد مقبولاً الآن هنفضل تعابنين ودولة تعبانة الناس بتعمل الغلط، وأنا عاوز ألحقهم فبعمل الغلط معاهم! اللى إحنا بنعمله دا صح وترفيقه والترخيص هو دا الصح، ونحن فى مصر تعودنا على إننا نغلط، والبعض يظن أن الدولة لن تفعل شيء بسبب الإعداد الكبيرة والكلام دا لازم ينتهى فى الدولة دى إذا كنتم تريدون أن تبقى مصر دولة ذات قيمة ومكانة.. الكلام دا للمسئولين والمواطنين ومش معقول عاوزين تحطوا فى جيبكم بس!".

وأوضح أننا "لابد من العمل وفقًا للمخططات، أنا بكلمكم وفيه منطق وموضعية غائبة منذ سنوات طويلة فى البلد وهذا أمر غير مقبول.. فيه منطق مش مظبوط ومشى.. وأنا بقولكم الحق حق، وإن لم يتبعه أحد، والباطل باطل وإن اتبعه الجميع.. وما تتحدثون عنه تجاوزات".

{left_qoute_1}

وتابع "السيسي": "هشيل كل مخالفات بحيرة كينج مريوط، ترجع كما كانت وأحسن، وهزيل كل اللى عمل حاجة وأقول ذلك لكل متجاوز.. محدش يقبل التعدى على مستقبل أولادنا.. البعض يظن أن الدولة مقصرة بسبب انقطاع المياه والصرف الصحى.. إحنا كمسئولين وكمواطنين علينا التزام تجاه بلدنا وأولادنا.. هذا الكلام موجود فى إسكندرية والقاهرة وكل محافظات الدولة.. قولوا لى اعمل إيه.. ولا أسكت.. إذا كان مطلوب منى أسكت أسكت.. أنتوا مش بتغيروا ولا صعبان عليكم بلدكم؟.. هو الحب كلام.. بحيرة المنزلة عاوزة 30 مليار جنيه عشان تعود لما كانت عليه".وأشار إلى أن التعديات موجودة فى كل محافظة ولا يمكن السكوت عنها، مضيفًا:"مش معقول نصلح وناس معانا تعيقنا كلنا"، ووجه الرئيس المسئولين بالمنطقة الشمالية العسكرية ووزارة الداخلية بالتعاون مع المحافظ، مضيفًا:"عاوز يوم بيوم موقف بالتجاوزات فى المبانى والإزالات التى تجرى.. وهذا الأمر أمن قومى.. ولو سبت الناس البسطاء بضعفهم وغلبهم عايشة بهذه الطريقة.. فالبلد والله 3 أو 4 سنوات هتتهد.. بس إحنا كأجهزة لازم نحط إيدنا فى إيد بعض عشان نمنع الكلام ده".وسلم الرئيس، 10 وحدات سكنية للمواطنين فى مشروع إسكان بشاير الخير 2.

واستعرض محافظ الإسكندرية، أهم المشروعات الجارى تنفيذها حاليا وخلال الفترة المقبلة، موضحًا: "عدد السكان 5.5 مليون نسمة، والجزء الأغلب يتركز في منطقة الشرق، رغم أن المخطط كان يستهدف الامتداد للغرب، نريد أن نجعل معدلات التنمية والتعداد السكانى تسير بشكل متوازن ومناسب"، مضيفا إن "حجم مديونية الحديقة الدولية 427 مليون جنيه، ودخلها 500 ألف جنيه سنوياً".

وقال اللواء أحمد العزازى، رئيس الشعبة الهندسية بالمنطقة الشمالية العسكرية، إن "دخل الحديقة يتراوح ما بين 200 إلى 300 ألف جنيه شهرياً، وتم فسخ كافة عقود المتخلفين عن السداد اعتبارًا منذ نوفمبر 2018، وأبرمت عقودا جديدة"، مؤكدا:"حالياً المستثمرين اللى عليهم مبالغ بيسددوا".

وداعب الرئيس، المصريين، قائلا:"حجم النكت اللى طلع على الوزن الزائد فوق الخيال، ومعرفش هيطلعوا نكت إيه النهاردة؟ وأرجو تنكتوا على مهلكم شوية عليا"، مستنكرا ما تم تأويله، قائلا:"حد يقول بعاير .. هعاير أهلى؟!، المصريين أهلى وهفضل أبص عليهم، علشان اطمن على ولادى اللى هما مستقبل بكره هما بياكلوا إيه؟"، داعيا الآباء والآمهات بضرورة الاهتمام بالنمط الغذائى لأطفالهم:"بقول لكل أم وأب فى البيت خاللى بالك من صحة طفلك، بعض الأكلات بتتخن وتضعف من قوته وصحته وتزود وزنه".

دعا الرئيس الأسر إلى أهمية تنظيم النسل، معلقًا على إحدى السيدات التى قالت بأحد الأفلام التسجيلية إنها أنجبت 6 أطفال، "مش تفكرى هاتجيبى الستة تنيميهم فين؟، إحنا بنحل مسألة لكن لازم كلنا نتوقف، مجتمع مدنى، مساجد، كنائس، إعلام، حد يقول ميتعلموش، ولكن مقدرش لازم نعملهم، وانتى بتحكى الحكاية كأن أنا أو الدولة مقصرين فى حقك، لأ والله، انتى اللى مقصرة فى حق نفسك، إنتى قاعدة فى أوضة، تجيبى 4، تنيميهم إزاى؟ تعلميهم إزاى؟ تصرفى عليهم إزاى؟، فيه حد يقول متتكلمش الكلام ده خلى الناس تحبك، والله ربنا مطلع عليا، وعالم ده مصلحة ولا مش مصلحة؟.

وقال السيسي: "كنا قولنا التوجيه لما جينا نبني بشاير الخير نعمل منشآت تساهم، بدل تحويل الدور الأرضي لمحلات، ولما خلصنا المولات والمحلات، قولنا نتيحهم للناس كفرص عمل، والمهن اللي بتخدم على الناس اللي بتعيش هنا، وقولنا نسق مع الدكتور نيفين الرئيس التنفيذي لجهاز تنمية المشروعات الصغيرة والمتوسطة،، عملتوا إيه؟".

{left_qoute_2}

وقالت "جامع"، إنه سيتم وضع برنامج خاص لتمويل مشروعات 25 شخصا تقدموا لعمل أنشطة ضمن "بشاير الخير 2"، مضيفة:"تم استعراض أنشطة سابقة لـ140 مواطنا، بهدف إتاحة تمويل مشروعاتهم خلال بشاير الخير2، إلا أن هناك بعض المشروعات غير متوافقة بيئيا، وهنعملها إحلال وتحويل تدريبي للنشاط" موضحة أن إتاحة التمويل شاملة تجهيزات ومعدات وسيولة مالية.

وقال "العزازي"، إن "40% من سكان الإسكندرية بـ2.5 مليون نسمة يقطنون في مناطق عشوائية خطرة وغير آمنة"، ورد السيسي: "شوف مع رئيس الوزراء والمحافظ واتفقوا وأنا موافق".وأستطرد: "علشان نحل زحام الإسكندرية محور الكورنيش وطريق أبو قير والمحمودية، ولما جينا نفكر في المترو قولنا نعلي الترام ونخلي تحته حركة، وقولت نفكر قطر أبو قير، نوصله لبرج العرب، وأنا عايزه أقول حاجة التوجيهات مش ملزمة للي أنا عايزه أنا بلزم بنتائج الرئاسة.. بقالي 5 شهور طالب دراسة حل مشكلة إسكندرية والزحام بها، ولما قولت على الترام قولنا تكلفته كبيرة لأنه في منطقة الزحام، ووقت ما تجهزوا العرض هسمع منكو علشان نخلصوا"، مقدما الشكر للمحافظة، بعد عرضه،قائلا، له: "الفلوس الفلوس.. أهم حاجة في الدنيا.. لو معاك هتعمل وتأكل وتشرب.. فين الفلوس؟"، ورد المحافظ: "هنجيبها يافندم"، ورد السيسي: "ربنا يعينكوا.. وأنا بصعد المشكلات الموجودة أمام مجتمعنا في اللقاءات اللي زي دي.. هخبيها ليه؟.. أقسم بالله مفيش رئيس دولة يعرف يحل المسائل دي لكن مع بعض نقدر، وفي 4 من رجال الأعمال مقدمين فوق 100 مليون جنيه، وقوى الدفع في بشاير الخير1 كانت أكتر، من بشاير الخير2".وبعد أن أنهى المحافظ عرضه، وأنهى السيسي تساؤلاته للمحافظ، قال الرئيس: "مش محافظة الإسكندرية بس.. عاوز أقولك مش إسكندرية بس كل محافظة هروحها هسأل محافظها على الشغل اللي عنده.. مش أنا بس، ورئيس الوزراء والوزراء كدا".وشهد الرئيس، أعمال الهدم الخاصة بالمناطق العشوائية غير الآمنة بمحيط مشروع إسكان غيط العنب بالإسكندرية، بعد حفل الافتتاح.