بريد الوطن| رباعيات
بريد الوطن| رباعيات
مرة اتمنيت إنى أمتلك مصباح علاء الدين
أو ألبس خاتم سليمان فى صباعى اليمين
كان أول شىء أطلبه حقيقى من قلبى
إن الناس يرجعوا بنى آدمين
اشمعنى عيوب الناس تبحلق فيها بتلسكوب
أما عيوب حضرتك تبص لها بميكروسكوب
صدقنى المشكلة مش فى عيوب الناس
لكن فى عينيك انت المصابة بميكروب
ياللى باصص لغيرك وبتقلب فى عيوبه
صباحك مساك قاعد تعدد فى ذنوبه
فتش فى قلبك سايق عليك الكريم
هتلاقى بلاوى متلتلة فى حواريه ودروبه
وسيم ميخائيل صمويل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
