محمد صبحي: مباحث أمن الدولة استدعتني بسبب "مبارك"

قال الفنان محمد صبحي، إن مباحث أمن الدولة استدعته 3 مرات، خلال أول شهر من عرضه لمسرحية "ماما أمريكا"، لتقليده الرئيس الأسبق محمد حسني مبارك خلال عرض المسرحية، موضحا أن شخصيته معروفة في أمن الدولة، وللصدفة كان المحقق معه زميل له في الثانوية العامة.

وأضاف صبحي، خلال حواره في برنامج " كل يوم"، مع الإعلامي وائل الإبراشي، على قناة "ONE"، "الشخصية دي قالت لي بطل المسرحية عشان ميحصلش أزمة، قلت له مش هبطل، وأنا مش بقلد حسني مبارك قالي لا بتقلده، وهاجي أحضر المسرحية".

وتابع، "قالي أنا هاجي أشوف الرواية، قولتله هحجزلك قالي لا أنا هاجي بطريقتي قولتله حضرتك تعتقد إني هخسر 999 كرسي من الجمهور عشان حضرتك موجود وهخاف أو أشيل حاجه، قولتله أنا مصر إنك مش هتلاقي أماكن عشان العدد مكتمل، أنا هحجزلك كرسي في أول صف في اليوم نفسه".

واستكمل، "المشهد كان 8 دقايق، أنا عملته 20 دقيقة، وفي الآخر الراجل طلع في الاستراحة قالي لا ما تشيلهوش، عشان مافيهوش".

• محمد صبحي
• كل يوم
• الإبراشي
• مبارك
• أمن الدولة
• ماما أمريكا
• محمد صبحي
• كل يوم
• الإبراشي
• مبارك
• أمن الدولة
• ماما أمريكا