فنانة تشكيلية تحول شوارع أسوان إلى معرض: يا سلام على أهل بلدى

10:27 م | الأحد 11 نوفمبر 2018

فنانة تشكيلية تجيد التعبير بالفرشاة والألوان، لا ترسم لوحات تظل حبيسة الغرف والقاعات المغلقة، فلوحتها هى الجدران ونافذتها التى تطل منها على العالم هى الشارع، نشأت فى محافظة أسوان ونقلت الفن الذى درسته فى كلية الفنون الجميلة بالقاهرة إلى مدينتها الجنوبية، تحوّل الجدران الصماء إلى لوحات تنبض بالحياة ليكون الشارع هو معرضها. «بموت فى الرسم من صغرى وأهلى شجعونى ودعمونى علشان أحقق حلمى بالالتحاق بكلية الفنون الجميلة فى القاهرة»، تتحدث مها جميل عن موهبتها التى بدأتها مبكراً بالرسم فى الشارع: «من وأنا فى سنة أولى جامعة وأنا برسم فى الشارع، كنت برسم فى بلدى اللى اتربيت فيها واللى ليها فضل علىّ، كان لازم تكون انطلاقتى من أسوان، وفاكرة لما كنت صغيرة وبمشى على الكورنيش وأقول امتى أكبر وأرسم على الجدران دى».

تقف «مها» وسط 15 شاباً، لترسم وتلون على جدران الشوارع فى أسوان وسط تشجيع كبير من أهلها وأهل بلدتها: «رسمت فى شوارع أسوان وانتقلت للرسم فى شوارع محافظات ومدن تانية زى القصير ومرسى علم والقاهرة والأقصر، كنا فريق واحد وبنكمل بعض، هدفى الأول والأخير إنى أشارك فى تجميل بلدى، وأشوف فرحة الناس بالألوان والرسومات المبهجة، اللى بتلمس قلبهم وده هدفنا اللى اشتغلنا عليه». رسمت الفتاة الأسوانية أيضاً مشاهير كثيرين، منهم الرئيس عبدالفتاح السيسى ومحمد صلاح وغيرهما: «رسالتى لأى بنت لو عندك موهبة نمّيها وكبّريها وكونى على قد المسئولية لأننا كلنا واحد ونقدر نكون مميزين».