«مولد النبى» يبدأ من «درب البرابرة»: ع الأصل دور
«مولد النبى» يبدأ من «درب البرابرة»: ع الأصل دور
- عروسة المولد
- المولد النبوي
- حلوى المولد
- حلاوة المولد
- عروسة المولد
- المولد النبوي
- حلوى المولد
- حلاوة المولد
طلب منها شقيقها البحث عن «عروسة مولد» بسعر معقول كى يهديها إلى خطيبته، وفوجئت بأسعار فلكية جعلتها تقرر الذهاب إلى منطقة درب البرابرة فى العتبة، لشراء خامات تساعدها فى تصنيع العروسة بنفسها.
مريم محمد، لم تتصور المبلغ الذى وفرته بتصنيع العروسة: «أخويا كان محدد ميزانية بسيطة للعروسة، والأسعار فوق الوصف بـ200 جنيه وأكتر، رغم إن خاماتها لما اشتريتها لا تتعدى الـ٥٠ جنيه، متر قماش تل من 10 لـ12 جنيه، والعروسة بـ13 والشاسيه بـ10».
لم تستغرق «مريم» وقتاً طويلاً لعمل العروسة: «مسكت مسدس الشمع، وعملت أجمل عروسة مولد وكمان كتبت اسم خطيبة أخويا عليها، وعجبتها جداً».
صناعة «عروسة المولد» فكرة راودت نرمين مصطفى، ودفعتها لتنظيم دورات تدريبية لتعليم الأطفال فنونها بالاعتماد على خامات بسيطة: «الفكرة مش فى شراء الجاهز، الفكرة فى متعة صناعة العروسة بالإيد، خاصة لو كانت من خامات بسيطة زى الورق الملون، وبتكون شبه عروسة الحلاوة القديمة وسعرها لا يتجاوز 20 جنيه».
من «عروسة المولد» إلى «حلاوة المولد» بدأت مجموعة من السيدات الموفرات فى البحث عن خامات لإعدادها: «كل اللى محتاجينه عسل الجلوكوز، سودانى، حمص، شوية بندق وسمسم.. يعنى ممكن بـ 100 جنيه بس أعمل 3 علب مرتاحين»، بحسب غادة علاء.
أما لمياء محمد فتحدت نفسها لعمل مستلزمات المولد النبى بشكل يفوق ما تصنعه كل عام: «اتفرجت على فيديوهات أكتر عن أصول الصنعة، وعملت أجمل عروسة وأحلى حلاوة مولد بنحو 150 جنيه، ومحدش صدق الكمية والجمال والسعر مقارنة بالجاهز».
