صاحب أزمة "قال فاكرينك" بحفل عمرو دياب: "هزار اتفهم غلط وأنا مش زعلان"

في الساعات القليلة الماضية، خاصة بعد انتهاء حفلة بجامعة مصر الدولية، أصبح الفنان عمرو دياب، حديث مواقع التواصل الاجتماعي، بعد انتشار فيديو له، وهو يهاجم أحد حضور حفله، بعد أن ألح عليه الأخير في طلب غناء "قال فاكرينك"، التي اعتاد عمرو غناءها في حفلاته.

وقال دياب لطالب الأغنية: "والله ما هقولها، أنت لو قعدت 100 سنة تطلبها مش هقولها، أنت هتمشيني على مزاجك، مش عاوزها، لو كنت عاوزها كنت نزلتها في الألبوم، إنما أنا مش عاوزها، مزاجي مش عاجبك متسمعنيش، ده أنت غريب أوي". 

وتواصلت "الوطن" مع لاعب كرة السلة، عمرو وائل، المتسبب في الأزمة، والذي طلب من "الهضبة" غناء "قال فاكرينك" هو وأحد أصدقائه، والذي عبر عن استيائه من الهجوم على "دياب"، موضحا: "اللي حصل إن أنا واتنين صحابي قعدنا نقول قال فاكرينك، فقالي ياعم مش هغنيها، أنا لو عايز كنت نزلتها في الألبوم، لو مش عاجبك متسمعنيش، ضحكلي وقالي أيوة كدع".

وأضاف وائل: "الفيديو الذي تم تداوله اقتصر على مشهد معين، ولم يكمل البقية، والناس فهمت غلط، وهو ضحكلي في الآخر، وأنا مش زعلان منه لأن هو كان بيهزر".

وعن الانتقادات التي وجهت للهضبة، قال وائل: "طلبتها مرتين بس والناس كلها بتألف، اللي حصل إن هو كان بيهزر وبيضحك وهو وبيتكلم، ومن الأخر ما تحكموش على حاجة أنتوا مكنتوش موجودين فيها ومتعرفوش عنها حاجة".

• عمرو دياب
• حفلة عمرو دياب
• قال فاكرينك
• جامعة مصر الدولية
• مواقع التواصل
• عمرو دياب
• حفلة عمرو دياب
• قال فاكرينك
• جامعة مصر الدولية
• مواقع التواصل