"بتقول مش عارف".. 4 علامات تدل على أنك "تتعلم بسرعة"
"بتقول مش عارف".. 4 علامات تدل على أنك "تتعلم بسرعة"
يختلف كل شخص عن الأخر في سرعة وطرق تعلمه شيئا، فهناك من يتعلم من خلال التجربة أو بالقراءة أو بالشرح وغيره.
وقال مصطفى خليفة استشاري تطوير الأعمال إن من أهم الأشياء أن يتعلم الشخص بسرعة.
وقدم مصطفى خليفة، لـ"الوطن" بعض العلامات، التي إذا كانت متوفرة لديك، فاعلم أنك تتعلم بسرعة:
1- "بتقول مش عارف":
"لما تكون مش عارف مبتخافش إنك تقول ده، وده بيخليك دايما مستعد للتعلم، وزي مابيقولو أن كل واحد له كبايه من المعرفة، لو انت دخلت مناقشه والكبايه مليانه مش هتعرف تاخد معلومة جديده لكن لو كبايتك فاضية هتعرف تتعلم وتستفيد من اللي بيتقالك".
2- "بتتعلم وبتجرب وبتاخد مخاطرة":
"بتجرب بأيدك ومابتخافش من تجربة حاجات جديدة وبتتعلم من التجربة بتاعتك ومن الأخطاء، وده بيخلي قدرتك على الملاحظة أعلى واستفادتك بتزيد، والأهم أنك بتنفذ على طول وبتاخد الوقت الأكبر في التنفيذ وتعلم حاجات جديدة".
3- "بتوصل لأسئلة ليس لها إجابة":
"ده معناه أنك بتسأل أسئلة بتوصلك لأبعد من معلوماتك، وبالتالي بيخلي عندك الفضول أنك تتعلم أكتر وتدور على الإجابات".
4- "بتعرف تشرح تجربتك واللي اتعلمته":
"طالما بتقدر تشرح فكرتك بسهولة وتوصلها لكل الناس ده معناه أنك فهمته صح، اللي بيعرف يوصل المعلومة معناه أنه فهمها بشكل عميق، حاول دايما تشرح تجاربك وخبراتك ومعلوماتك هتلاقي نفسك فهمتها بشكل أفضل".
