مواطنون يشكون ارتفاع أسعار الخضراوات: بنشترى ربع كيلو من كل صنف

09:44 م | الجمعة 28 سبتمبر 2018

شهدت أسعار الخضراوات ارتفاعاً ملحوظاً خلال الأيام القليلة الماضية، خاصة الطماطم التى وصل سعرها إلى 10 جنيهات للكيلو، «الوطن» رصدت الأسعار فى بعض أسواق القاهرة والجيزة، حيث أكد بعض التجار أن بعض أنواع الخضر زاد سعرها إلى الضعف، مشيرين إلى أن السبب يرجع إلى تغير المناخ وقلة المعروض فى الأسواق، فيما شكا مواطنون من الزيادة التى وصفوها بـ«المبالغ فيها»، مؤكدين أنهم اضطروا إلى شراء ربع كيلو من كل صنف، لأنهم لا يستطيعون مقاطعتها، كما فعلوا من قبل مع الفواكه، عندما ارتفعت أسعارها.

تقول نهاد محمد، 50 عاماً: «اللى مش معاه فلوس ماينزلش السوق، لأن أقل خضار بيبدأ سعره من 10 جنيه حتى 20، وده خلانى أشترى ربع كيلو من الأساسيات، زى الطماطم والخيار وبس، لكن مش هاعرف أمتنع عن شرائها زى ما قاطعنا الفاكهة لما غليت».

يقول الرجل الستينى المقيم بمنطقة الدقى، رافضاً ذكر اسمه، إنه اعتاد شراء الخضراوات لزوجته من سوق سليمان جوهر، وإنه لاحظ ارتفاع الأسعار خلال الثلاثة أيام الماضية: «نزلت أشترى فلفل رومى وباذنجان واتفاجئت بأن كيلو الفلفل بـ12 جنيه والباذنجان بـ8 و10، مع إنى كنت جايبه من قريب بأقل من كده نحو 3 جنيه»، مما دفعه لتقليل مشترياته وشراء نصف كيلو فقط.

«كل حاجة غالية فى السوق، ومش عارفة أعمل ايه»، هكذا بدأت نجاح أحمد، 45 عاماً، ربة منزل، حديثها، لافتة إلى أن الغلاء جعلها تمتنع عن شراء بعض الخضراوات: «نزلت السوق النهارده لقيت الأسعار عالية جداً، ومش هاشترى بطاطس، مع إنى محتاجاها علشان العيال بيحبوها ساندوتشات للمدرسة».

بينما يقف عبده عطا، بجوار عربته الممتلئة بالخضار على أحد جانبى الطريق بالسوق، يقول إن أسعار الخضراوات زادت للضعف، مما تسبّب فى ضعف حالة البيع والشراء بالسوق، ويوضح الأسعار قائلاً: «وصل سعر الكيلو من بعض الخضراوات إلى 10 جنيهات، مثل الكوسة والطماطم والليمون والجزر، بينما يتراوح سعر البصل من 6 لـ7 جنيهات والخيار وصل إلى 8 جنيهات، أما البطاطس فيتراوح سعرها من 7 إلى 10 جنيهات، لافتاً إلى أن الأسعار كانت من أسبوعين أقل النص: «لما زادت علينا بقينا مضطرين نغلى على الزبون علشان مانخسرش»، مضيفاً: «الزبون اللى كان بيشترى 2 كيلو بقى يشترى نص كيلو بس».

{long_qoute_1}

ويقول عبدالله محسن، 47 عاماً، تاجر بالسوق منذ 30 عاماً: «الأسعار مرة واحدة اتجننت، البطاطس كان الكيلو جملة بـ4 جنيه، وفجأة بقى بـ7، والبصل كان بـ3 جنيه جملة، ودلوقتى بقى بـ7، وكمان قفص الطماطم الـ20 كيلو كان بـ110 ودلوقتى بـ150 و160 جنيه، وشوال البصل الـ60 كيلو كان بـ210 ودلوقتى بـ300 جنيه». وتابع: «الزيادة بدأت من بعد عيد الأضحى، لأن أول حاجة زادت هى البطاطس، وبعدها كل حاجة زادت، ووصل سعر الكيلو من أغلب الخضار لـ10 جنيه، وأغلى خضار دلوقتى زى البامية وصل سعر الكيلو لـ20 جنيه»، مرجّحاً أن السبب وراء ارتفاع أسعار الخضراوات يرجع إلى قلة المحصول، نتيجة تلف بعض المحاصيل تأثراً بتغير المناخ».

أما فى محافظة القاهرة، ورغم ارتفاع أسعار الخضراوات فى بعض الأسواق، إلا أنها كانت أقل، مقارنة بسوق سليمان جوهر فى محافظة الجيزة، ففى سوق سميكة بمنطقة المطرية يقف محمد رمضان، 50 عاماً، تاجر بالسوق، أمام عربته الكارو المحملة بالبصل والبطاطس والخيار يقول: «أسعار الخضار زادت على البياع والزبون فى نفس الوقت، وده من ساعة عيد الأضحى، فسعر كيلو البصل وصل 4 جنيه، والخيار الكيلو وربع بـ10 جنيه، والبطاطس بـ9 جنيه».

أما محمد صلاح، 30 عاماً، صاحب محل خضراوات فى الحى العاشر بمدينة نصر، فيقول: «طول فترة الخريف اللى احنا فيها دى هتلاقى الأسعار غالية بنسبة 20 أو 30% علشان ظروف الطقس، لأن المحاصيل الجديدة لسه مانزلتش»، موضحاً أن سعر كيلو الكوسة يتراوح بين 9 و10 جنيهات، والخيار بين 8 و9 جنيهات والليمون بين 8 و12 جنيهاً والبامية بـ17 جنيهاً والبطاطس بـ9 جنيهات، مضيفاً أن نسبة البيع والشراء قلت 60%.

فيما عبرت هناء محمد، 48 عاماً، موظفة، تسكن بمنطقة المطرية، عن استيائها من الأسعار، فتقول: «الأسعار نار، وأرخص خضار دلوقتى هو الملوخية الكيلو بـ3 جنيه»، لافتة إلى أنها مضطرة لتقليل مشترياتها من الخضراوات، لكنها لا تستطيع الامتناع عن شرائها.