الكلاب ترافق المرضى والمسنين وذوى الاحتياجات الخاصة.. صاحبوها

11:04 م | الأحد 23 سبتمبر 2018

حبه للكلاب ورغبته فى تغيير النظرة السلبية تجاهها كان السبب وراء إطلاق حملته، أراد عمرو رشاد، أن يغير بعض المفاهيم والتعاملات السيئة للمصريين مع الكلاب الضالة فى الشوارع، والنصح بعدم الخوف منها أو اللجوء لتسميمها للخلاص منها، فدشن حملة للاستفادة منها كمرافق للمرضى وذوى الاحتياجات الخاصة وكبار السن، من خلال اتخاذها كجليس وأنيس فى الوحدة.

تهدف الحملة إلى تشجيع اقتناء الكلاب فى المنزل، ومعاملتها برفق وعدم النفور منها: «رغم إن كلنا عارفين إن الكلاب وفية مع أصحابها، بنلاقى كتير بيخافوا منها، الكلاب دى حيوانات صبورة جداً وممكن تصبر على صاحبها، لو هو مريض تستحمله بعكس الإنسان نفسه ممكن مايكونش عنده بنفس الصبر».

برنامج «رشاد» يعتمد على مرافقة الكلاب لكبار السن وذوى الاحتياجات الخاصة والمكفوفين، والتعود على وجودها: «الكلاب لما بتاخد على صاحبها بتسليه خصوصاً كبار السن لأنهم بيحسوا بملل، أو ذوى الاحتياجات الخاصة اللى بيكونوا فى أمَس الحاجة لحد قاعد جنبهم على طول، وكمان المكفوفين لو اتعودوا على الكلاب هما اللى هيرافقوهم فى كل مكان».

يستعين «رشاد» ببعض الأطباء البيطريين، لشرح التعامل مع الكلاب وإسعافها فى حال تعرضها لأى ضرر: «نزلنا الأسبوع اللى فات قعدنا مع المسنين، فى الأول خافوا وبعدين واحدة واحدة ابتدوا هما اللى يقوموا يلعبوا ويجروا معاهم والكلاب تجرى عليهم وتنكشهم، وهو ده هدفنا، إننا نبتدى نبص للكلب ده على إنه رفيق وصاحب مش حيوان مسعورة هيعضنا».