فى حب «سواقة الستات»: أولياء أمور يدعمون الفكرة «بتاخد بالها من العيال»

11:20 م | الأربعاء 19 سبتمبر 2018

قبل بدء العام الدراسى الجديد بفترة، تبدأ شيرين مصطفى بالبحث عن «سائقة» لتوصيل بنتها إلى مدرستها، برفقة عدد من الطالبات، فشعورها بالأمان على طفلتها يزداد فى حين يكون السائق امرأة وأُماً فى وقت واحد.

«لما السائقة تبقى أُم هتراعى الأطفال أكتر لما يكون راجل وأحياناً بتبقى بتوصل ابنها معاها هتبقى واخدة بالها من الطريق والأطفال فى نفس الوقت» قالتها «شيرين»، التى لم تتعامل مع الأوتوبيس الخاص بالمدرسة لسعره المبالغ فيه، حسب رأيها، مفضّلة التعامل مع سائق حر، بجانب الحصول على جميع الضمانات منه «أول حاجة لازم أشوف رخصة القيادة والبطاقة الشخصية، ويبقى تبع حد معرفة، وبعد كده بسيبها على الله، السائق الراجل مهما كان شاطر فى السواقة مش هيعرف دماغ الأطفال ولا تعاملهم إزاى».

{long_qoute_1}

ولم يختلف رأى داليا مصباح كثيراً التى كانت تعمل فى توصيل طلاب الجامعات عبر سيارة ملاكى، مصرّة على أن السيدات لم تختلف قيادتهم كثيراً عن الرجال، مفضلة توصيل ابنَيها الاثنين مع سائقة ست إذا توافرت «مفيش حاجة اسمها سواقة ستات ورجالة، الست تقدر تعمل كل حاجة وتعرف تتصرف أكتر من الراجل، لكن للأسف مش متوفرين فى كل المناطق، الاطمئنان الأكتر لما تكون أُم، لكن لو شابة صغيرة ممكن يبقى فيه خطر».

تجد «داليا» أن قيادة السيدات تجنّب الأطفال سماع الأغانى الشعبى «المهرجانات» المحتوية على ألفاظ خارجة وترديدها حتى الحفظ، وتعرضهم للتحرش «مفيش ست فى الدنيا هتتحرش بطفل صغير، بالعكس أُمومتها هتخلّيها تتعامل مع الأطفال زى أولادها وهتحافظ عليهم وهتعرف تاخد بالها منهم فى الطريق، عشان كل المشرفات بتبقى ستات، عشان همّا أكتر ناس تعرف تتعامل».