مدرسون يطلقون حملة تضامن مع أولياء الأمور: «معاً ضد الغلاء.. دروس خصوصية بأسعار أقل»
مدرسون يطلقون حملة تضامن مع أولياء الأمور: «معاً ضد الغلاء.. دروس خصوصية بأسعار أقل»
- أسعار الدروس
- أولياء الأمور
- ارتفاع الأسعار
- الدروس الخصوصية
- المرحلة الثانوية
- مبادرة ضد غلاء المدرسين
- معا ضد الغلاء
- مدرسون
- أسعار الدروس
- أولياء الأمور
- ارتفاع الأسعار
- الدروس الخصوصية
- المرحلة الثانوية
- مبادرة ضد غلاء المدرسين
- معا ضد الغلاء
- مدرسون
تظل الدروس الخصوصية مشكلة كل البيوت لاستنزاف جيوب المواطنين، خصوصاً فى ظل ارتفاع الأسعار، وهو ما جعل بعض المدرسين يرفعون شعار «معاً ضد الغلاء.. إحنا معاكم» للتصدى لهذا الاستنزاف، بتكوين مجموعات للدروس الخصوصية بجميع المواد على حسب تخصص كل مدرس، بأسعار رمزية لا تتعدى الـ25 جنيهاً للحصة الواحدة.
«المدرس عليه رسالة يجب أن يؤديها على أكمل وجه دون استغلال، هو فقط ينشر علمه الذى مَنّ الله عليه به»، بهذه الجملة بدأ حسن الضيفى، مدرس تاريخ، حديثه، مبرزاً اعتراضه على بعض المدرسين الآخرين الذى يسعون وراء الماديات أكثر من الاهتمام بالمستوى العلمى للطلاب، بالاتفاق مع أولياء الأمور على التدريس لأبنائهم فى مجموعات خصوصية مقابل أسعار رمزية: «دورى أننى أكون موجه ومربى قبل أن أكون معلم عايز يطلع علمه بفلوس كتير، ولكن بالسعر اللى يقدر عليه ولى الأمر»، يدرك «الضيفى» أن هناك أولياء أمور يضطرون إلى الاستدانة لتوفير ميزانية الدروس: «كلنا كنا طلبة وعلى أيامنا ماكانتش الأسعار بالشكل ده، لكن كلنا عندنا ظروف وعارفين الأب ولا الأم بيتعبوا قد إيه عشان يقدروا يوفروا تمن حق حصة واحدة للدروس، أنا بقول لكل مدرس زيى فى نفس المهنة راعى أخوك وأختك اللى فاتحين بيتك زيهم زيك وعايزين يعلموا عيالهم».
{long_qoute_1}
مسعد محمد، مدرس لغة عربية، أول من شارك فى مبادرة «ضد غلاء المدرسين»، وعرض تقديم الدروس الخصوصية بسعر 20 جنيهاً للحصة: «غيرى بيطلب 70 و80 جنيه وهو عارف أن ولى الأمر بيبقى بيجبهم بصعوبة، لكن بيشوف إن ده حقه، الحق فعلاً إننى أرعى غيرى وأنا عارف أنه نفسه يعلم ابنه كويس ويقويه فى الدراسة وبدفع الفلوس بالعافية»، فهو لم يشارك فى هذا الاستنزاف، ولم يقم فى أى مرة برفع أسعار الدروس إلا بشكل محدود جداً: «على حسب ظروف ولى الأمر فى ناس مش معاها أصلاً دول مش باخد منهم فلوس، وفيه ناس بتبقى فى شريحة عالية بالنسبة لهم الفلوس دى عادى، برضو بيدفعوا براحتهم».
تسعيرة واحدة 20 أو 30 جنيهاً، يحددها أبوالعز محمد، مدرس اللغة الإنجليزية، ويكون السعر الأعلى مخصصاً لطلاب المرحلة الثانوية، أما الإعدادية فيكون سعر الحصة 20 جنيهاً فقط، تضامناً منه، حتى لا يحمّل أولياء الأمور فوق طاقتهم: «اللى بيطلب سعر عالى قوى فى المادة زى الأرقام بتاعة 150 و200 جنيه، ده بالنسبة لى يُصنف أنه تاجر مش مدرس، لأن المدرس رؤوف بأولياء الأمور».
