انقطاع المياه المتكرر ينعش سوق الخزانات فى الهرم
انقطاع المياه المتكرر ينعش سوق الخزانات فى الهرم
- انقطاع المياه
- شارع العروبة
- منطقة الهرم
- أدوات صحية
- ميه فيصل
- مياه الهرم
- انقصاع المياه بالهرم
- انقطاع المياه
- شارع العروبة
- منطقة الهرم
- أدوات صحية
- ميه فيصل
- مياه الهرم
- انقصاع المياه بالهرم
انقطاع المياه عنهم بصفة مستمرة، فتح باب رزق للكثير من سباكى المنطقة لتركيب خزانات ومد وصلات للمياه من الماسورة الرئيسية بشارع العروبة بمنطقة الهرم.. بهاء حسن، سباك، يعمل فى المجال منذ 7 أعوام، لم يشهد انتعاشة فى عمله مثل هذه الأيام؛ أكثر من 30 خزاناً قام بتركيبها لسكان منطقته فى أقل من أسبوع: «أنسب حل الناس بقت تلجأ ليا، أنا شخصياً ركبت خزان فوق البيت بتاعى»، تصل مدة انقطاع المياه إلى 10 ساعات يومياً: «الناس بتركب خزان بيتملى وقت الفجر فى خلال ساعة كاملة وتقعد تستخدمه طول اليوم للاستحمام والغسيل».
2000 جنيه هى تكلفة الخزان الواحد: «الناس بقت مضطرة أهى بتدفع المبالغ دى وترتاح وبعد كده تلقى نقطة ميه تستنفع بيها»، وبحسب «بهاء» فإن انقطاع المياه عن المنطقة ساهم فى انتعاش عملهم: «أدينا بنشتغل، أكيد مش فرحانين فى المصيبة اللى إحنا فيها، بس رزقنا».
لم يكتف سكان المنطقة بتركيب الخزانات فقط، بل حفروا طلمبات بالأرض: «بِندق لهم قدام عماراتهم يطلعوا مياه جوفيه يستخدموها، لكن ده مع الوقت هيأثر على العمارات، الناس عاوزة ترتاح لكن مش بتبص على نتائج ده قدام». «مصائب قوم عند قوم فوائد».. مقولة يعبر بها عطا سلامة، صاحب محل أدوات صحية، عن حالته، فعلى مدار شهر كامل مضى، لم تتوقف اتصالات الزبائن طيلة النهار: «كلهم عاوزين يشتروا خزانات أو أساعدهم يحلوا المشكلة.. أهو رزق وخبَّط عليا»، تتراوح أسعار تركيب الخزان بين 1500 و1700 جنيه: «كل خزان وله سعة مختلفة، فى خزان 500 لتر وآخر 1000 لتر.. أهم حاجة إنهم يحاولوا ينظفوا الخزان بشكل دورى عشان المياه ماتتلوثش».
