بريد الوطن| عايز من دى
بريد الوطن| عايز من دى
وعمّر قلبى بنياتك
طوبة بطوبة
دخلتى فى قلب شريانى
كأن إرادتى مسلوبة
تبص عنيا تستغرب
ترد عنيك أنا الأقرب
على جبينك حروف اسمى
بطاقة نور ومكتوبة
ومن دهشة جمال الخد
وخوخه الأحمر الوردى
ومن تنية جمال القد
يقول للدنيا مين قدى
يا بنت الإيه يا مضروبة
عيون فيروز وسارقانى
كأن الحقنة مدبوبة
تخدر كل أركانى
عيون فضّاحة بتقولّى
بسحر الكحل ساحرانى
ولمّا تمرّى وتعدى
بريحة الفل بِتْوِدّى
على عود القمر مَنْدى
كقلب الطفل متعلق
ومتشعلق عايز من دى
ويتفرفط ويتمرغ
ولا يهدّيه غير حضنك
وضحكة فى السما تجلجل
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
