بريد الوطن| امشى عدل
بريد الوطن| امشى عدل
اكتب على السطر ما تسيبش الحروف تشرب
واسبق ميعاد القطر تلقى السكة بتقرب
وامشى عدل تنعدل يحتار عدوك فيك
وابعد عن الشر حاسب سلكه بيكهرب
قرشك حلال لو محسوب سترك فيه
ولو الحرام طاله ياخده معاه وراح يهرب
واصبر على السخن لما لسعته تبرد
وعلى العجين لما يخمر يعلا ويربرب
كنزك رصيدك هو فعل الخير
إيه اللى تاخده معاك
ساعة الروح ما تتسرب؟
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
