السيسي عن صعوبة الإصلاح: "ده اللي عايز يبطل سجاير بيعاني"

06:27 م | السبت 28 يوليو 2018

قال الرئيس عبدالفتاح السيسي إن المتعلمين بشكل جيد، يحصلون على فرص عمل جيدة في كل مكان بالعالم "لو عندك إنسان متعلم كويس بيقبل في كل حتة في العالم بعمله وقدراته، مش بجنسيته أو أي حتة تانية".

وتابع السيسي، خلال كلمته بجلسة استراتيجية تطوير التعليم في الدورة السادسة من المؤتمر الوطني للشباب، المنعقد الآن، بجامعة القاهرة "العباقرة عندنا كام؟ واحد ضمن 50 ألف؟ أو 100 ألف؟ إحنا عندنا فرصة نقدم لولادنا تعليم جيد، ولكن قدام الأمر ده تحدي هو الاستعداد للتضحية للمساعدة في إنجاحه".

وأضاف: "الإصلاح.. لو حد بيعاني من حاجة ومش عايز أقول تعبيرات مش طبية، أنا مبحبش السجاير خالص.. لو حد بيشرب سجاير وعايز يبطل هيبقى بالراحة وسهولة ولا بمعاناة؟ لا هيعاني عشان يبطل السجاير".

وأردف: "لو رفضتوا الإصلاح الاقتصادي اللي بنعمله ده مش هيكمل، طب تخرب.. هنعمل إيه بقى، ما هو إنتوا اللي هتتحملوا النجاح والفشل".

وانطلقت فعاليات المؤتمر الوطني السادس للشباب، اليوم، بجامعة القاهرة تحت رعاية وحضور الرئيس عبد الفتاح السيسي، ومشاركة أكثر من 3 آلاف شاب من مختلف المحافظات.

وتشهد جلسات المؤتمر، وعلى مدى يومين، مناقشة مجموعة من أبرز القضايا والموضوعات والملفات الملحة المطروحة على أجندة الدولة المصرية، والتي تشغل بال المواطنين وتحتل حيزًا مهمًا من اهتماماتهم.