بريد الوطن| يا صابحة
بريد الوطن| يا صابحة
يا صابحة بصبح صباحك جديد
يا صابحة بقولك نهارك سعيد
صباحك يا صابحة ينور طريقى
صباحك يفرج همى وضيقى
علمك يرفرف بيرقص فى إيدى
اسمك وسيرتك بيجروا فى وريدى
صباحك يا صابحة قطرات الندى
بتنزل بتحضن حنان الزهور
تخلى هواكى ملان بالعطور
نداكى يا صابحة بيشفى العليل
بيلمع كأنه لؤلؤ أصيل
يا صابحة بصبح صباحك جديد
شفتوا صابحة والله سمحة
وياما قالت إنها دايماً مسامحة
امبارح عدا بأساه والنهارده جاى بفرحة
أنا باحلم يا صابحة بحفيدى الجديد
بيرضع حنانك يحس بأمانك
ويكبر ويكونلك فدا
ويخلى صباحك يكيد العدا
يا صابحة بصبح صباحك جديد
ولادك فى المدارس بينشدولك أنشودة
وطيورك وعصافيرك بيغردولك تغريدة
والكل يتمنالك دايماً تعيشى سعيدة
سهام جمال ياسين
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
