بريد الوطن| أبوالسيد
بريد الوطن| أبوالسيد
سيد يا شيخ الفن يا ابن الإسكندرية
بيتك فى كوم الدكة لسه روحه حية
غنّيت لمصر وحبها وأولادها
ومن الموسيقى معجزات أبدية
أناشيد وطقطوقة وأوبريتات
وفنون رفيعة تسعد البشرية
علمت جيلاً من فنانين علماً
وتركت ذكرى للسنين الجاية
ونشيد بلادى عَ الزمان يشهد
إنك يا سيد موهبة سحرية
طلعت يا محلا نورها بتجلجل
على لسان فلاحة فى الصبحية
والحلوة لما تقوم عشان تعجن
والديك بيدن ساعة الفجرية
والعامل الشقيان وياك لقى نفسه
لما دعيت بالخير للأسطى عطية
ولما قال زورونى فى السنة مرة
فجرت قلب الصخر بالحنية
ذكراك محبة وفن وتاريخك
هتحفظه مصر أمك أصلها وفية
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
