بريد الوطن| عمار يا مصر
بريد الوطن| عمار يا مصر
عمال بلدنا يا عترة
سلام يا زين الرجال
يا أهل السواعد قوية
بتاخدنا من حال لحال
(اللى بنى مصر كان فى الأصل حلوانى)
واللى يعيد البنا بيغنى كام موال
إيدين فى جبل الجلالة بتصنع المعجزات
بتكسر الصخر الأخرس وتحوله لرمال
وإيدين سمارها تحت الشمس بيضوى
حفرت قنال تانى جنب أول قنال
بقت السفن رايحة جاية من غير ما تستنى
والحركة بركة وسيارة بدون أعطال
عمار يا مصر بعمالك ومشاريعك
عمار يا مصر بخططك تخدم الأجيال
يسلم شبابك يا مصر ويسلم لنا جيشك
ويسلم الريس اللى شجع العمال
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
