بريد الوطن| افتح حضنك
بريد الوطن| افتح حضنك
سهل تفتح للناس قلبك
صعب كل الناس تحبك
لو بيتفقوا على حد كانوا اتفقوا على ربك
حب من غير ما تستنى حب
خليك صادق ولو العالم غرقان ف الكدب
افتح حضنك للى اشتراك وللى باعك
للى خانك وللى صانك
افتح حضنك للكل
واللى كتير آذوك
وزرعوا ف طريقك شوك
ازرع طريقهم فل
ولو الزمن بكاك وعاند وياك
الجأ لمولاك تلقى عنده الحل
مهما البشر آذاك وبسهامه رماك
لربك تكون شكواك الشكوى لغيره ذل
خلى قلبك صافى ولما توعد وافى
ولو يوم بقيت حافى ارضى بالمقسوم
رضا الرب لوحده كافى
حضنه مافيش زيه دافى
وحده الشافى من كل الهموم
إياك حزن يهزمك أو خوف يلجمك
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
