الصلصال يشكل موهبة «محمود»: عايز تبقى نحات محترف.. اهتم بالتفاصيل

11:04 م | الاثنين 07 مايو 2018

نشأته وسط أسرة فنية، أثرت على جينات موهبته، عينه ترى الشخصيات وتحفظ ملامحها وتحفرها بالذاكرة، منذ صغره وهو يهوى اللعب بالصلصال وتشكيله وتطويعه لتجسيد الشخصيات التى يحبها، بالصدفة لاحظت والدته تميزه واختلافه عن أقرانه وهو بسن الرابعة، وساعدته على تطوير موهبته، وهى تشكيل الشخصيات الكارتونية بالصلصال.

محمود المصرى، 34 عاماً، خريج معهد السينما عام 2005، يعشق النحت، حاول تطويره على طريقته الخاصة، الشخصيات المنحوتة بالنسبة إليه ليست وجوهاً وأجساداً يظل يحفر تفاصيل ملامحها وتجاعيدها لساعات طويلة، ولكنها شخصية كاملة لها ملابس وإكسسوارات وتفاصيل وألوان تخصها: «دايماً اللى حواليا بيشوفوا إنى بقدم فن مختلف».

تأثر «المصرى» بأفلام الرسوم المتحركة وهو ما دفعه لعمل بعض الشخصيات المستوحاة من طبيعتها: «وأنا فى أولى جامعة عملت شخصية cow boy بكل إكسسواراته.. الدكتور فى الجامعة أشاد بالعمل وده اللى شجعنى إنى أكمل»، 5 أشهر هى المدة التى يتخذها حتى يتمكن من الانتهاء من أى عمل بكامل تفاصيله: «أنا واخد الموضوع هواية باشتغل كل يوم لمدة نص ساعة بس لازم أمتع نفسى بالشغل».

يعمل «المصرى» فى مجال الإعلانات إلى جانب هوايته فى النحت، لكنه يحاول بين الفترة والأخرى الدمج بينهما لخلق حالة من الإبداع: «بحاول أعمل الشخصيات اللى بتطلع فى الإعلانات بتاعتى بنفسى بلاقى متعة كبيرة جداً لما بعمل كده».