بريد الوطن| ضل نخلة
بريد الوطن| ضل نخلة
شركاء وطن
وانا فين نصيبى ف شركتى
وانا رأسمالى ف دنيتى
هو المآسى والمحن
وهموم كتيرة متلتلة
غير الديون والبهدلة
أحلامى ليه متسلسلة
ف حبل سخرة للزمن
أنا زيى زى المطحونين
ف عرق شقانا غرقانين
متغسلين مستنيين
يدوب نجيب حق الكفن
يا كل شركاء الوطن.. أنا المواطن بطّحن
مش باقى منى غير شرطة واحدة
ولا قادر أفصل وأتشحن
أنا ف اختبار الصبر ف لجنة قاسية أنا بمتحن
ف الحكمة خدت الامتياز
وشهادتى برواز من إزاز
متعلقة على حيط أمل
مال م العفونة والعطن
ميهمنيش يحكمنى مين
لو ع الأمانى أبوبكر فين
أو فين عمر وذو النورين
فين
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
