بريد الوطن| ومحتاجلك
بريد الوطن| ومحتاجلك
وبحتاجلك... ولا عمرك تمدى الإيد
ف مرة لحد محتاجلك
واحاول أسابق الخطوة
أو أقطف حلم من فجرك
تسابقينى تعدينى... وانا المقطوعة أنفاسى
ما بين جريك وبين حجلك
قوليلى ليه معندانى مراودانى على عمرى
وسقيانى مرار صبرى... ووأدانى بدوس رجلك
قوليلى ليه مقسمانى
مشاركانى تراب العضم فى قبرى
وفرمانى تروس عجلك
على مهلك... يا قتلانى يا بيعانى
وانا اللى بعت أحلامى... وكل العمر من أجلك
وانا اللى اسمى من اسمك... ولا ابنك ولا نجلك
وجيبانى بمخاض الذل من ألمك
واهز جذوعك المايلة... فترمى التمر للأغراب
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
