«نجلاء»: خلعت جوزى من 3 شهور وبقيت أطلّع همى فى «الكروشيه»
إحدى السيدات أثناء التدريب
أحوال وهموم مشابهة تعيشها نجلاء فرج، المتدربة فى نفس المشغل بالجبيل، ولكن بصورة أخرى، فهى تعانى بعد خلعها لزوجها الذى مر عليه أكثر من 3 أشهر، بعد خلافات عديدة بينهما، حتى أصبحت مسئولة وحدها بالكامل عن طفلين، إلى جانب والدتها المريضة: «أنا كسرت كل حواجز عاداتنا البدوية وكنت أول واحدة تقريباً فى القرية اللى تخلع جوزها، بس فعلاً حياتى معاه ماكانتش نافعة خالص، وخلافات كانت بتخلى عيالنا خايفين طول الوقت مننا، وطلبت منه الطلاق رفض فقررت أخلعه، ولما كسبت القضية من يومها ما يعرفش حاجة عن بناته الـ2، ومن يومها وأنا المسئولة عنهم، سمعت عن تدريب السيدات فى المشغل، واشتركت، ومن يومها وأنا بتدرب فيه، وباخد 300 جنيه فى الشهر، وبقيت أطلع همى فى الكروشيه والمشغولات اللى بشتغلها».
لم تقف حياة الشابة الثلاثينية عند حد تلقيها التدريب على المشغولات اليدوية بالمشغل، وطورت فيها مستغلة موهبتها فى التراث السيناوى، ومن بينه «الخرزة السيناوية» وجودة تشطيب المشغولات: «الأهم من الشغل ضبط الشغل، عشان كده أنا معروفة فى المشغل بأن شغلى مفهوش غلطة، لأن كان عندى موهبة من البداية وبعرف أشتغل التطريز السيناوى اللى معروفين بيه، بس مكنتش أعرف أشتغل كروشيه واتعلمته فى المشغل، وبقيت بعرف أشتغله لوحدى، وبعمل ملابس أطفال منه والطلب عليه كتير».