رئيس جمعية سائقى التاكسى الأبيض: «الحق رجع لأصحابه»

10:15 م | الأربعاء 21 مارس 2018

سادت حالة فرحة ورضا بين سائقى التاكسى الأبيض بعد قرار محكمة القضاء الإدارى، الذى صدر لصالح سائقى وملاك التاكسى الأبيض، بوقف عمل شركتى «أوبر» و«كريم»، حيث أعرب العديد منهم عن سعادتهم لوقف تلك الشركات التى اعتبرها البعض سبباً فى نقص رزقهم منذ ظهورها.

وعبر محمود عبدالحميد، رئيس جمعية سائقى وملاك التاكسى الأبيض، عن فرحته الشديدة بقرار المحكمة قائلاً: «القرار رجّع الحق لأصحابه.. دا انتصار للسواقين فى جميع المحافظات».

{long_qoute_1}

ووصف مصطفى حمدى مصطفى، سائق بمنطقة الجيزة، أن القرار جاء فى الوقت المناسب، وأنهم كانوا يتعرضون لظلم كبير بسبب وجود تلك الشركات: «ده رزقنا وهما دخلوا فيه، إحنا بندفع ضرايب وتأمينات فى السنة الواحدة 5000 جنيه لكن هما كل 3 سنين بيدفعوا 500 جنيه ومعندهمش ضرايب ولا تأمينات، وأتمنى القرار يتنفذ والناس ترجع تركب التاكسى الأبيض تانى، لأن أوبر ده دخيل علينا»، فيما عبر «أبوأنس» عن سعادته بالقرار، حيث قال: «خدوا معظم الزباين مننا ولو قدروا يعملولنا أبليكيشين زيهم إحنا موافقين»، وأضاف: «فى الأول كنا ما بنرضاش نروح أى مشوار لكن دلوقتى ممكن نروح أى حتة، هى غلطة احنا كنا بنعملها وندمنا عليها، دلوقتى السواق مننا بيطلع الشغل بيرجع بنص الوردية».

وقال محمود إبراهيم محمود، مالك تاكسى أبيض: «طبعاً أنا بحمد ربنا على القرار ده، لأن السوق فى الفترة اللى نزل فيها أوبر وكريم كان واقف ولكن العيب كان فينا من الأول، إحنا اللى خلينا أوبر وكريم من الأول يسيطروا علينا بسبب أن أغلبنا كان ما بيشغلش التكييف ولا العداد مع أن التاكسى ده نزل مخصوص عشان يقدم الخدمة دى للمستهلك»، وأضاف: «أتمنى الشرطة فى اللجان ترجع زى زمان وتعمل تفتيش أمن ومتانة عشان تجبر السواق أنه يشغل الخدمات دى وبالتالى الزبون يرجع لنا».

محسن محمد لبيب، سائق، قال: «طبعاً القرار ده مصلحة كبيرة، لأنهم لو كانوا بيدفعوا ضرايب وتأمينات زينا مكنش هيبقى فيه مشاكل، لكن هما شغالين ببلاش» وأضاف: «سواقين أوبر وكريم ما يعرفوش الشوارع زينا، وبيستخدموا الـGBS ويلفوا بالزبون كتير عكس التاكسى الأبيض».