بريد الوطن| ونقول آلو
بريد الوطن| ونقول آلو
والصوت يحن ويسأله
ويرد صد
ياريت ما رد
ما كنش صحى فيا الحنين
ولا ابتدى من أوله
طب عامل إيه
لساك بخير
صبحت بعدى بجناح يا طير
طب والطريق وحدك خلاص بتكمله
مرتاح أوى... مبسوط كده
فرحان وحاسس بالرضا
طب والسلام اللى ف بعدى
سلام بجد ولّا كلام كده وكده
لاجل الفراق ما تسهله
سكتّ ليه مفيش ردود
نفس الجفا نفس الجمود
طيب سلام
والخط يقطع
والدمعتين ع الخد برضه بينزلوا
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
