بريد الوطن| أكبر ذنب
بريد الوطن| أكبر ذنب
لسَّاه ساكن جوه حشاكى؟
ومغطيه ضلع ومكسور؟
لسّاه وشك برضه ينوّر؟
لسَّه عنيكى عليه بتدوّر؟
لسّه الفرحة بتملا عيونك
لمَّا يطل بصيص النور؟
لسّه القلب بنبضه يرفرف
والجناحات زى العصفور؟
قطع الرحلة وقال مش راجع
متعلقة فى حبالك دايبة
قافلة الودن كمان ولا هايبة
أملك واسع برضه يا خايبة
طيرك حط فى بير مهجور
فوقى لنفسك صح النوم
صحى عيدان الحب الطازة
وعليه صلى كمان فى جنازة
مش مكتوب لك
ولا من توبك
وادعى الرب كمان يغفر له
يغفر ذنبه ويَّا ذنوبك
حبك ليه كان أكبر ذنب
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
