بريد الوطن| جوَّه العلبة
بريد الوطن| جوَّه العلبة
اللى جوه العلبة إيه؟
اللى جوه العلبة فيل
واللى بره العلبة إيه؟
واللى بره العلبة نملة
بص واتفرَّج يا بيه
قبل ما تطلع معاملة
جوه قلبى الحزن طافح
كالجبال متقولشى فيل
بره نفسى دنيا واسعة
فى البراح وكأنى نملة
نملة واقفة جنب فيل
شفت همِّى بدون مجاملة
إمتى تتحل المشاكل
وأشترى وأبيع فى جملة
واللى كابس فوق مراوحى
واللى حابسنى ف مذلة
للسواد مكتوم فى ليلى
القمر هيطل طلة
وأزرعك يا أرض بلدى
قمحنا وياسمين وفلة
جوه قلبى كسرت فيلى
صار فى عينى كأنه نملة
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
