عصام السيد يكشف المادة الفيلمية في "اضحك لما تموت": "فيديو مابينج"
عصام السيد يكشف المادة الفيلمية في "اضحك لما تموت": "فيديو مابينج"
- أحمد عصام
- العرض المسرحى
- المسرح القومى
- خارج مصر
- عرض مسرحي
- عصام السيد
- أجنبية
- أجهزة عرض
- أحمد عصام
- العرض المسرحى
- المسرح القومى
- خارج مصر
- عرض مسرحي
- عصام السيد
- أجنبية
- أجهزة عرض
أوضح عصام السيد، مخرج مسرحية "اضحك لما تموت"، طبيعة المادة الفيلمية التي استخدمها في العرض الذي يقدم على المسرح القومي، قائلًا: "ناس كتير سألوني على المادة الفيلمية في عرض (اضحك لما تموت)، ده اسمه (فيديو مابينج) وأول مرة يستخدم في مصر داخل عرض مسرحي".
وأضاف السيد، في منشور على حسابه الخاص على "فيس بوك": "استخدمت (فيديو مابينج) قبل كده في عروض احتفاليه كبيرة من 2006، وكان وقتها بيتصمم خارج مصر، ويحتاج عرضه لأجهزة ضخمة جدًا يتم استيرادها فترة العرض فقط، وكمان كان بيعرض على مساحات ضخمة و في أماكن مفتوحة".
وأوضح: "ولأن التقدم التكنولوجي سريع قدروا يختصروا الموضوع لمجرد برنامج ومصمم جرافيك لكن أنا استعملته في مادة فيلمية مش جرافيك وده الجديد وعشان كده شارك في صنعه اتنين، واحد بإخراج المادة الفيلمية وهو المخرج أحمد عصام السيد (متبرعا طبعا)، والتاني رضا صلاح العائد من منحة الإبداع في إيطاليا وهناك درس الفيديو مابينج، وهو اللي ضبط أماكن عرض المادة علي الديكور وحجمها و شكل ظهورها".
وتابع: "لا أنكر أنها كان ممكن يبقي شكلها أفضل لو توفرت أجهزة عرض أقوي و تجارب أكتر على خامات متعددة. عموما الفيديو مابينج له استخدامات أكتر لكن أنا استخدمته بما يفيد المسرحية مش مجرد استعراض عضلات. ولسه التكنولوجيا المسرحية بتطلع كل يوم لنا جديد والأهم إن مهندسي الديكور الكبار عندنا عارفينه، وبعضهم وضع على صفحته فيديوهات أجنبية لفيديو مابينج لكن محدش فكر يستخدمه وعشان كده بأقول لهم بطلوا كسل".
