تاجر فى السيدة زينب يحارب الغلاء بـ«البيض أبو صفارين»
تاجر فى السيدة زينب يحارب الغلاء بـ«البيض أبو صفارين»
- ارتفاع الأسعار
- السيدة زينب
- المواطن المصرى
- صاحب محل
- أسعار البيض
- البيض أبو صفارين
- ارتفاع الأسعار
- السيدة زينب
- المواطن المصرى
- صاحب محل
- أسعار البيض
- البيض أبو صفارين
«يوجد لدينا بيض بصفارين»، لافتة تجذب انتباه المارة إلى محل حنفى عبدالباقى، بمنطقة الناصرية فى السيدة زينب، الذى يبرر لزبائنه: «بدل ما تشترى بيضتين بـ3 جنيه، اشترى بيضة بصفارين بـ165 قرش». هكذا اعتاد «حنفى» صاحب محل البيض الشهير فى المنطقة، أن يحارب الغلاء مرة بتخفيض أسعاره، وأخرى بعرض البيض الموفر ذى الصفارين، الذى يشتريه من مزارع مخصّصة فى قرية العطف بالجيزة.
تتراوح أسعار البيض بين 125 و165 قرشاً للبيضة الواحدة، وهو ما جعل «حنفى» مهموماً بالمواطن المصرى البسيط ويحاول قدر الإمكان مساعدته على التوفير من خلال عروض مختلفة تشجّع على الشراء: «أنا لاقيت أن البيض ده هيوفر مع الزبون، خصوصاً اللى عندهم أطفال ومصاريفهم كتير، بدل ما يشترى البيض العادى يشترى ده وهيزود معاه فى الكمية».
لم يكن «البيض بصفارين» يلفت أنظار زبائنه سابقاً، لكن بعد ارتفاع الأسعار أصبح يحظى بإقبال كبير من جانب جميع الفئات، مؤكداً أنه يبيع الطبق بـ50 جنيهاً، فى حين أنه يُباع فى محال أخرى بـ65 جنيهاً: «تقليل السعر مش بيخسّر، بالعكس بيخلى التاجر يبيع أكتر وفى النهاية ربنا اللى بيرزق».
يحكى «حنفى» عن زبائنه وقسوة معيشتهم بعد موجات الغلاء المستمرة: «أنا باسمع حكايات من الناس تقطع القلب، الناس مابقتش قادرة توفر احتياجاتها الأساسية، والبيض اللى كان بيتعمل ساندويتشات فى الفطار أو العشا بقى وجبة رئيسية فى الغدا، الناس بتمشّى نفسها بأى أكلة، المهم الستر».
