محمد إمام عن أزمة أحمد الفيشاوي:"عايش بدماغ غربي في مجتمع شرقي"
محمد إمام عن أزمة أحمد الفيشاوي:"عايش بدماغ غربي في مجتمع شرقي"
علق الفنان محمد إمام على أزمة الفنان أحمد الفيشاوي الأخيرة، أثناء مشاركته في الدورة الحالية من مهرجان الجونة، حيث وصف شاشة العرض بلفظ وجده الحضور غير مناسب، قائلا:"أنا بحب أحمد الفيشاوي، مشكلة أحمد أنه عايش بدماغ غربي في مجتمع شرقي متحفظ جدا، بيغلطوا بس ميحبوش اللي بيحبوهم يغلطوا".
وأكد "إمام" عبر حسابه على "فيس بوك":"أنا عشت مع أحمد أيام في بيت الأستاذ فاروق الفيشاوي، ومدام سمية الألفي، وماشفتش منهم غير كل حب، والأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات، ده غير أن أول مسلسل ليا في حياتي كان مع الاتنين دول.
وأضاف "على فكرة أحمد الفيشاوي ده من أقوى الممثلين اللي في مصر، سيبوه يعيش حياته زي ماهو عاوز، وأنتوا عيشوا حياتكم زي مانتوا عاوزين، والبوست ده مش دفاعا عن أحمد، هو فعلا غلط واعتذر، بس كان في كلمتين لازم أقولهم بحق العيش والملح والعشرة اللي بينا".
