سعيد يحتفل بعيد ميلاد خطيبته في «طائرة»: «ملاك.. هحتفل بيها في السما»
سعيد يحتفل بعيد ميلاد خطيبته في «طائرة»: «ملاك.. هحتفل بيها في السما»
احتفالات أعياد الميلاد.. عادة يحافظ عليها الكثير من الأسر، إلا أنها حدث له أهمية خاصة لدى المرتبطين عن حب، حيث يحرص معظمهم على الابتكار في اختيار الهدايا، وأن يكون الاحتفال من نوع خاص، وهو الأمر الذي برع فيه «سعيد عادل».
احتفال «سعيد» بخطيبته «سيلفيا جورج»، كان ذو طابع خاص ومختلف تماما عن الأمور المعتادة، لذلك أثار إعجاب الآلاف عبر «فيس بوك»، فور نشر «سيلفيا» تدوينة وصور سردت فيها تفاصيل الاحتفال بالتفاصيل.
وصفت الشابة العشرينية شعورها عبر صفحتها الشخصية، قائلة: «بأمانة مش لاقية كلام أقوله من كتر ما أنا لسه لحد دلوقتي مش مستوعبة الموضوع، فجأه تقولي يلا بينا هنروح مشوار، وبعدين توديني مول أول مرة أشوفه، وبعدين تقولي هنحضر حفلة في الفندق اللي في المطار، ونقعد نستني ميعاد الحفلة».
التشويق الضخم الذي عاشته «سيلفيا» اختصرته في عدة أسطر، زادت عليهم بأن خطيبها فاجأها بأنهما سيصعدان على متن طائرة: «فجأه تقولي يلا عشان هنركب طيارة، وألاقي إننا فعلا طلعنا الطيارة واتحركت، وبعدها المضيفة جابتلنا التورتة، والاقيك بتقولي مكانش ينفع أقولك كل سنة وانتي طيبة وإحنا على الأرض، لأنك شبه الملايكة كان لازم نطلع فوق عشان أقولك كده، معنديش كلام فعلا أقوله غير إن قلبي فرحان بيك، وربنا يخليك ليا وجمبي يا فرحة قلبي».
