أسعار خادمات المنازل قبل العيد: بـ200 جنيه فى اليوم

أسعار خادمات المنازل قبل العيد: بـ200 جنيه فى اليوم
- ارتفاع أسعار
- الأسر المصرية
- التجمع الخامس
- شهر رمضان المبارك
- صاحب مكتب
- عيد الفطر المبارك
- فصل الشتاء
- فصل الصيف
- أجانب
- أجر
- ارتفاع أسعار
- الأسر المصرية
- التجمع الخامس
- شهر رمضان المبارك
- صاحب مكتب
- عيد الفطر المبارك
- فصل الشتاء
- فصل الصيف
- أجانب
- أجر
قبل أيام قليلة من انتهاء شهر رمضان المبارك تبدأ دورة تنظيف المنازل وتوضيبها استقبالاً لعيد الفطر المبارك، ما يدفع عدداً كبيراً من الأسر المصرية للاستعانة بالخادمات سواء مصريات أو أجانب، نظراً لصعوبة التوضيب والتنفيض، إلا أن ارتفاع أسعارهن هذا العام جعل بعض السيدات يفكرن فى الاستغناء عنهن، والاعتماد على أنفسهن فى تنظيف منازلهن، خاصة بعد ارتفاع أجرة «خادمات اليوم الواحد»، لتتراوح بين 200 و250 جنيهاً، ويبدأ عملهن فى الساعة الـ9 صباحاً وينتهى فى الـ5 مساءً، ولا يوجد «أوفر تايم».
«الأول كانت أى ست تجيب الشغالة تفضل قاعدة عندها طول اليوم بـ100 جنيه.. دلوقت الدنيا بقيت كلها غالية، فأسعار الشغالات زادت جداً».. يقولها محمد الشريف، صاحب مكتب الصفوة فى التجمع الخامس لتوظيف خادمات المنازل، مشيراً إلى أن حالة الغلاء صاحبها ركود فى سوق الخادمات: «دول كانوا بيحجزوهم من نص رمضان.. دلوقت كل فين وفين عشان يجيلى تليفون حد يطلب معاه شغالة.. كله بيوفر ويشتغل بنفسه أو بيجيب واحدة تساعد فى نص الشقة»، قالها «الشريف» الذى حاول إنعاش السوق فقام بعمل عروض للعيد: «عملت عرض أى واحدة تطلب شغالة يومين فى الأسبوع بـ 300، بدل 400 جنيه عشان أوفر عليهم.. ده اللى كان بيطلب شغالة بالشهر دلوقت بقى يكتفى بيها مرتين أو مرة فى الأسبوع».
{long_qoute_1}
أما منال المهندس، مدرسة، فبعد ارتفاع أسعار الخادمات وجدت أن الاستعانة بشغالة لساعات بسيطة فى اليوم، أوفر لها من التعامل معها شهرياً: «كنت بجيب واحدة بالشهر وأديها مرتب 1200 جنيه، دلوقتى بقيت 2500 جنيه، فبجيب واحدة تغسل المواعين بس وتعمل الصالة بفلوس أقل»، قالتها منال التى تحاول توفير المصاريف قدر الإمكان خاصة بعد وفاة زوجها الذى كان يدفع أجرة الخادمات: «أصل الدنيا تقلت علينا والمصاريف بقيت أوفر».
فيما ترتفع أجرة الخادمات الأجانب، لتتراوح من 4000 إلى 12 ألف جنيه شهرياً، على أن يزيد السعر 500 جنيه إذا كان العمل خارج محافظة القاهرة، بحسب محمد خلف، أحد العاملين بشركة أم المؤمنين لتوظيف الشغالات بمدينة نصر: «ساعات بنشغل الأجنبيات نص شهر، لما السوق بيكون واقف»، وينتعش سوق الخادمات فى فصل الصيف، عن فصل الشتاء، نظراً للزيارات المنزلية التى تتكرر، علاوة على الرطوبة التى يفرضها الطقس المرتفع، ما يجعل كل سيدة تقوم بتنظيف منزلها باستمرار.