«كلبش» و«لمعى القط» الأعلى مشاهدة فى المقاهى الشعبية

12:04 م | الثلاثاء 20 يونيو 2017

فى شهر رمضان الماضى كان معظم رواد المقاهى الشعبية يجلسون أمام الشاشات لمشاهدة مسلسل «الأسطورة» للفنان محمد رمضان، هذا العام ومع غياب «البطل الشعبى» تأثر سوق المسلسلات فى المقاهى كثيراً، اختفى الجمع الغفير الذى كان يتابع قصة «رفاعى الدسوقى» وحل محله جمهور اكتفى من الدراما بـ«كلبش» والمسلسلات الكوميدية وأبرزها «عفاريت عدلى علام» و«لمعى القط».

{long_qoute_1}

«لمعى القط، شغال نار هنا، عشان محمد إمام له شعبية، دمه خفيف زى أبوه»، كلمات عيد سيد، وهو يقوم بتقديم الطلبات بالمقهى الذى يعمل فيه بإمبابة، أما المسلسل الثانى الذى يحرص على تشغيله فى المقهى فهو مسلسل «عفاريت عدلى علام» للفنان عادل إمام: «عن نفسى بحبهم، وعادل إمام لسه له شعبية كبيرة عند الناس». ممدوح أبوالوفا، صاحب مقهى، أكد أن «كلبش» هو الأكثر طلباً من زبائنه: «كلبش فعلاً شادد كل الناس على القهوة، وأنا كمان ذوقى زى ذوقهم»، مؤكداً أن المسلسل التالى فى تفضيلات زبائنه هو «الحرباية» بطولة هيفاء وهبى: «الحرباية عشان هيفاء طبعاً إنما هو كمسلسل مفيهوش حاجة تشد».

{long_qoute_2}

أما عادل رضا مصطفى، عامل فى أحد المقاهى فيحرص على عرض برنامج «رامز تحت الأرض» دائماً: «رامز ده رقم واحد وبعده لمعى القط عشان الناس بتحب محمد ابن عادل إمام، مسلسله متشاف أكتر من أبوه كمان، وبرضه الحصان الأسود لأحمد السقا شغال هنا كويس». بينما يحرص محمد منتصر على تشغيل «كلبش» بناء على طلب زبائنه: «الناس بتحب المسلسل ده وبعده لمعى القط وعفاريت عدلى علام»، ويؤكد سيد على أيضاً عامل شيشة بمقهى فى فيصل أن كلبش هو الأعلى مشاهدة فى المقهى: «الناس شافت فى المسلسل ده إن ظلم الظباط منهم فيهم». «الناس بتحب المسلسلات الكوميدية والنجم اللى دمه خفيف»، بحسب عبدالرؤوف حافظ، صاحب مقهى بمنطقة فيصل، مؤكداً أن مسلسل «عفاريت عدلى علام» فى مقدمة تفضيلات زبائنه وبعده مسلسل «لمعى القط»: «السنة دى مفيش مسلسل جمع الناس زى الأسطورة السنة اللى فاتت ولا فيه مسلسل فيه حبكة درامية شدت الناس عشان كده الناس راحت للكوميدى»، لافتاً إلى أن مسلسل «كلبش» فى المرتبة الثانية بعد المسلسلات الكوميدى.