رشا سامي العدل: "وحشني الفسيخ اللي كنت بتجيبهولي كل سنة"

نشرت الفنانة رشا ابنة الفنانة سامي العدل صورة لها مع والدها الراحل سامي العدل على حسابها الخاص على موقع التواصل الاجتماعي "فيسبوك".

وكتبت منشور مع الصورة بعنوان "شم النسيم من غيرك وحش يا عمدة الفسيخ": "أحسن فسيخ بابا كان بيجيبه الله يرحمه، زمان كان دايما يعزم كل أصحابه في الماريوت اليوم ده، وماكانش حد يفوت العزومة دي أبدا، ويقعدوا يتكلموا عليه للسنة اللي بعدها، لما بطل يعملها و بقت العيلة بتتجمع سوا بقي يبعت الفسيخ لأصحابه علشان مايقطعش العادة و من قبل ما يعمل كدة نص مصر بتكون كلمته تسأل "فين الفسيخ".

وتابعت "رشا": "حبيبي يا بابا وحشتني أوي و وحشني الفسيخ اللي كنت بتجيبهولي كل سنة، أول سنة مش هاكل فسيخ و لا أسافر او اخرج مش عارفة ليه بس الظروف جت كده، كان نفسي تكون في وسطنا النهاردة و معانا زي ما نفسي كل يوم بيعدي وأنت بعيد، يا رب تكون سعيد و مرتاح، ربنا يرحمك و يغفر لك و يعفو عنك".

• سامى العدل
• شم النسيم
• كل سنة
• موقع التواصل الاجتماعى
• سامى العدل
• شم النسيم
• كل سنة
• موقع التواصل الاجتماعى