سيدات فى انتظار الجمعة السوداء: «يوم أبيض فى تاريخ الميزانية»

07:09 م | الخميس 24 نوفمبر 2016

غالبية السيدات اللاتى عرفن بيوم الجمعة السوداء والمعروف بكونه يوم التخفيضات العالمى والتى قد تصل فيه إلى حد 70% خاصة فى المحلات ذات الماركات العالمية، قررن الاستعداد لليوم بطرق مختلفة بعضهن قررن شراء مستلزمات جهاز العروس فى ذلك اليوم للاستمتاع بأكبر قدر من التخفيضات، فيما قررت أخريات شراء احتياجاتهن من موسم الشتاء،

وتعبر سارة السيد حجار، صاحبة العشرين عاماً، بأنها تستعد لهذا اليوم حيث ستمضيه مع صديقتها، وتقول: «أنا هنزل وسط البلد مع صاحبتى ومش بجهز لليوم ولا حاجة أنا سمعت إنه كانت فيه خصومات السنة اللى فاتت كبيرة والإعلانات السنة دى فكرتنى.. فقلت هنزل أشترى هدوم شتوى وأستفيد من الخصومات لأن الأسعار عالية جداً فى الأيام العادية».

{long_qoute_1}

بينما تقول أمينة عبدالغنى، صاحبة الواحد والخمسين عاماً، إنها منتظرة هذا اليوم لتشترى الأجهزة لزفاف ابنتها «فاطمة»: «كل حاجة بقت غالية أوى سواء أجهزة أو هدوم أو مفارش، الجمعة هيبقى إجازة من الشغل هننزل من أوله يمكن يبقى فيه تخفيضات بجد ونشترى اللى إحنا عاوزينه»، وتضيف فاطمة سعيد، ابنتها، صاحبة الأربعة والعشرين عاماً: «السنة اللى فاتت الخصومات مش حقيقية تقريباً نفس الخصومات اللى بتنزل فى العادى مفيش فرق كبير، أنا مستنية يمكن الخصومات تكون كويسة وأقدر أشترى حاجات منهم السنة دى».

هبة هشام، صاحبة التسعة عشر عاماً، تقول إنها تدخر المال لهذا اليوم، وتضيف: «هنزل عشان متوقعة يكون فيه تخفيضات وهتنزل معايا أختى (منى) وهنجيب كوتشيات وهدوم وشنط وكنت مقررة فى أقرب فرصة هنزل والبلاك فرايدى فرصة كويسة».

{long_qoute_2}

بينما رندا أحمد، صاحبة الثلاثين عاماً، عرفت عن البلاك فرايدى من أخيها فى أمريكا وتستعد له منذ شهرين. وتقول: «هنزل اليوم ده مع جوزى وأطفالى الثلاثة ومحددين احتياجاتنا عشان اليوم ده هيبقى زحمة أوى هنشترى هدوم شتوى وإكسسوارات وأحذية»، وتضيف قائلة: «أنا عمرى ما نزلت اليوم ده بس من ساعة ما عرفت وأنا بجهز لليوم ده من شهرين». وأضافت أسماء جاب الله، صاحبة الثلاثة والعشرين عاماً، أنها عرفت عن هذا اليوم من مواقع التواصل الاجتماعى فقررت النزول مع صديقتها وأختها وشراء العديد من المستلزمات مثل «كاميرا - أحذية - شنط»، ثم التنزه قليلاً فى مول، وتقول: «عرفت البلاك فرايدى من أسبوع وهنزل مع أصحابى وأختى نشترى اللى إحنا محتاجينه ونشوف الخصومات دى بجد ولا لأ وطبعاً هنبقى حريصين من الزحمة».