سائقو «النقل الثقيل» بعد تحديد أوقات سيرهم: «يلغونا أحسن»

06:56 م | الجمعة 11 نوفمبر 2016

حالة من عدم الرضا سادت بين سائقى النقل الثقيل عقب قرار وزارة الداخلية بمنع سير سياراتهم على طريقى الإسماعيلية والسويس الصحراويين، من السادسة صباحاً حتى التاسعة صباحاً، ومن الواحدة ظهراً حتى الرابعة عصراً، حيث أكد السائقون أن هذا القرار سيزيد تكلفة حمولاتهم. يقول محمد صلاح، سائق نقل: «باقعد يوم كامل أحمل العربية، وبادفع 550 جنيه كارتة مدتها 24 ساعة، ووقت الحظر ييجى علينا وإحنا فى الطريق نقوم راكنين العربية على ما الوقت يخلص، وأول كارتة نعدى عليها نقوم دافعين فيها تانى نفس اللى دفعناه قبل كده».

{long_qoute_1}

ويقول سعيد عاشور، سائق نقل ثقيل: «القرارات اللى زى دى بتخلى الحمولة اللى بتتعمل فى يوم أو يومين تتعمل فى ضعف الوقت، ورغم إننا ممكن نمشى فى طرق تانية، بس للأسف الطرق دى بتبقى بين القرى والبلاد الزراعية وخطورتها أكبر، وأوضح على الشرقاوى، سائق سيارة لنقل المواد المحجرية، أن استثناء سيارات نقل المواد البترولية والغذائية من القرار «مش منطقى، ولو كانت عربيات البترول والمواد الغذائية أهم مننا يلغونا أحسن بقى ويقعدونا فى بيوتنا»، متابعاً: «البلد لو قعدت أسبوع واحد من غير نقل تقيل اقتصادها يقف». من جانبه، قال مصطفى النويهى، عضو مجلس إدارة الجمعية العامة للنقل والبضائع، إن هذا القرار له جانب إيجابى يتمثل فى تقليل الحوادث، لكن القرار ده هيأثر على أسعار سلع منتجات كتير، فالطريق الإقليمى الجديد اللى مفروض يشيل الحمل عن الطريقين دول، هيزود المسافة على العربيات وبالتالى بنزين أكتر.