شريف مدكور: "نزول حمام السباحة بالجلابية عادي.. بلاش أفورة"
شريف مدكور: "نزول حمام السباحة بالجلابية عادي.. بلاش أفورة"
قال الإعلامي شريف مدكور، إن الشعب المصري لديه "أفورة"، وينتقد نفسه "بشكل بايخ" على حد وصفه، مضيفًا: "مثلا نقول المصريين راحوا شرم الشيخ وبوظوا الدنيا، الشعب راح لكي يدعم سياحة بلده، وفي منهم أول مرة يقعد في فنادق وميعرفش يأكل في أوبن بوفيه، ولكن يكفي أنهم يحاولون دعم بلدهم والإنفاق من أموالهم عشان مصر".
وأضاف مدكور، في برنامج "كلام خفيف" على إذاعة "نجوم إف إم"، مساء الاثنين: "مينفعش الطريقة السخيفة وقيام بعض الطبقات اللي عاملة نفسها راقية بتصوير المصريين وهم يأكلون في المطاعم والأوبن بوفيه، بلاش التريقة الأوفر دي، واللي ميعرفش يقعد في فندق دلوقتي هيتعلم وحقه علينا نعلمه".
وتابع: "دول مصريين من حقهم يتفسحوا على راحتهم في بلادهم، ولازم نشجعهم كويس، بصراحة أنا مشوفتش شعب يجلد نفسه بالطريقة دي، ويقعد يتريق على نفسه كده، واللي عايز ينزل حمام السباحة أو البحر بالجلابية هو حر، ومعندناش حق ننتقدهم".
