«الكهرباء» تواجه أزمات الفاتورة بخدمة «خارج الخدمة»

11:43 م | الاثنين 11 يوليو 2016

«هذا الرقم غير موجود بالخدمة، تأكد من الرقم المطلوب»، نص الرسالة الصوتية التى يستقبلها المواطنون على خدمة الرقم الأرضى الخاص للإبلاغ عن قراءة العداد التى وفرتها شركة توزيع الكهرباء بالقاهرة الجديدة، يزيد عليها خدمة تطبيق جديد باسم «Egypt Erases» على هواتف المحمول، لكنه أيضاً لا يعمل، «يعنى لا الرقم شغال ولا التطبيق بينزل»، قالها فكرى محمد، الموظف الذى عانى من أخطاء كثيرة فى قراءة عداد منزله بمساكن شباب التجمع الخامس، قرر أن يقوم بتجربة تحميل التطبيق والاتصال برقم إبلاغ قراءة العداد، لكن دون جدوى فى الحالتين: «مش عارف هما بيضحكوا علينا ولا على نفسهم؟ ده حتى الرقم الأرضى مش موجود بالخدمة من الأساس، وحاولت معاه طول اليوم بيدينى نفس الرسالة الصوتية، بعد ما كنت فاكر أن العيب منى، وبطلب الرقم بأرقام مختلفة». «رقم الإبلاغ والتطبيق مجرد سد خانة»، الجملة التى لخص بها الشاب الثلاثينى تجربته مع خدمة شركة توزيع الكهرباء: «خليت زوجتى وعيالى كلهم يحاولوا ينزلوا التطبيق على تليفوناتهم، لكن التطبيق لا يعمل»، يرى أن هذا الأمر برغم ما يعكسه من أزمة، فإنه يثير السخرية أيضاً، لكنها سخرية من نوع آخر: «لما هما مش قد التكنولوجيا بيقدموها ليه؟ همّ يضحك وهمّ يبكى، ولا طلع ليهم حتى فى خدمة التليفون الأرضى اللى بقاله 135 سنة، ده إيه المصيبة دى، ومنين عاملين حملات إعلانية فى الشوارع وعلى سوشيال ميديا عن الخدمات الجديدة للإبلاغ عن قراءة العداد من قبل رمضان، ومفيش حاجة فيهم شغالة أصلاً».

{long_qoute_1}

التطبيق تم طرحه «قبل تفعيله»، وقال حجازى مصطفى، مسئول عن تلقى شكاوى فواتير الاستهلاك بشركة توزيع كهرباء شمال القاهرة، موضحاً أنه بالفعل هناك مشكلة فى تشغيل الخدمة، أما بخصوص الرقم الأرض، فتابع: «سيتم تغيير الرقم».