"أنا مبخافش".. الرئيس يتحدث عن الخوف 21 مرة في خطاب الفرافرة

04:00 م | الخميس 05 مايو 2016

خلال خطابه من الفرافرة في مناسبة إطلاق شارة بدء حصاد محصول القمح، ضمن مشروع "المليون ونصف المليون فدان"، تحدث الرئيس عبدالفتاح السيسي عن الخوف 21 مرة، جاءت في كلمات من نحو "مابيخافش، ماتخافش، ماتخافوش"، وهي:

- "وأنا في إسكندرية من كام يوم، كنت ماشي على الكورنيش لقيت أتوبيس نقل عام، ولقيت الناس وقفوا وحيّوني وقالولي كلمة غريبة، واحد فيهم قالي (ماتخافش إحنا معاك)، وكرر الجملة مرة أخرى: قالي "ماتخافش إحنا معاك".

ـ توقفت كثيرًا ليه قالولي كده "إحنا معاك ماتخافش".

ـ "اللي يقف يوم تلاتة سبعة (3 يوليو 2013) مابيخافش خالص".

ـ "انتوا مش واخدين بالكم، قوى الشر التي تحاول هزيمة البلد، وأنا بقول اللي يقف في نوفمبر 2013 ويدعو إلى حوار مع النظام في هذا الوقت مابيخافش، اللي يقف في الكلية الحربية في يناير ويقول إنّ مصر تدخل في نفق مظلم نتيجة السياسات دي مبيخافش، اللي يقف ويقول هديكم مهلة 7 أيام لإنهاء الأزمة مابيخافش، اللي يدي 48 ساعة أخرى مابيخافش".

ـ أنا أخدت 2000 قرار في السنتين اللي فاتوا، واللي بياخد القرار مابيخافش.

ـ أنا عاوز أقول للمواطن اللي قالي ماتخافش، أنا اللي بقولهم انتوا اللي ماتخافوش".

ـ "أنتم ماتخافوش أبدًا، صحيح ماتخافوش، طول ما المصريين على قلب رجل واحد".

ـ "عايز أقول للمصريين اللي بيقولولي إحنا خايفين، أو المصري اللي بيقولي ماتخافش، لأ أنا اللي بقوله انت اللي ماتخافش".

ـ "اللي أنا بكلمكم عليه تكلفته إجماليًا تريليون و300 مليار جنيه، أنا مابخافش، أنا مابخافش"

ـ "لو خُفت، ولا حاجة من اللي بقولها هتتعمل لا دلوقتي ولا بعد 10 سنين".

ـ "اللي أنا بكلمكم فيه دلوقتي، لو أنا بخاف لا هيخلص دلوقتي ولا بعد 10 سنين".