إبراهيم عيسى: "بتضايق من الحالة الأبوية للدولة"

05:30 م | الأربعاء 24 فبراير 2016

قال الكاتب الصحفي إبراهيم عيسى، إنّ الشباب رافض كل ما هو موجود الآن، لأنهم يتمردون على الأوضاع الراهنة، لافتًا إلى أنّ المجتمع في دائرة "مخنوق فيها، أنا بتضايق من الحالة الأبوية للدولة، والتغنّي كل شوية بعايزين نعمل للشباب، ونتقدم بيهم".

وأضاف عيسى خلال برنامج "لدي أقوال أخرى" الذي يقدمه على إذاعة "نجوم إف إم"، مساء الأربعاء، "إحنا دلوقتي كآباء نرفض ما يفعله الأبناء ونعتبر أن دي تقاليد غريبة، وإحنا كمان كنا زمان آبائنا بيرفضوا حالنا وينتقدونا بشكل دائم، مجتمعنا معندوش قدرة على التقدم في الفكر المجتمعي، والتطوير".

وتابع: "مينفعش نقول عايزين نوفر فرص عمل للشباب فقط، ولكن علينا فتح المجال لكل الأفكار المبدعة، حتى لو أصحابها سنهم فوق الخمسين أو حتى أطفال، في ناس تستمتع بتغيب عقلها، وكل واحد بقى بيشرب عشان ينسى، ومبقاش في نضافة دماغ، ولكن الدماغ دي هي اللي هتقدمنا، وكل لما هنشغلها هنتمتع".