زينة بعد تأييد نسب طفليها لـ عز: "بشكر القضاء.. وعايزة أنسى الأيام السودة"

وجهت الفنانة زينه الشكر والتقدير للقضاء المصري، بعد تأييد الحكم الصادر في قضية نسب طفليها للفنان أحمد عز، قائلة: "عاوزة أوضح حاجة عشان الكذب المستمر، الحكم الحمد لله بيعتمد على إثبات الزواج، وبناء عليه تم إثبات النسب".

وأضافت زينه، خلال صفحتها الشخصية على موقع "إنستجرام": "أنا كنت ملتزمة الصمت واتعرضت للإشاعات الحقيرة، وكنت بشوف اللي بيتقال عليا، والحقيقة إني كنت واثقة في عدل ربنا الحمد لله، الانتصار ده انتصار مش ليا لوحدي ده للستات كلهم".

وتابعت: "القضية دي في منها كتير، بس قضيتي اتحولت لرأي عام عشان أنا مشهورة والطرف التاني مشهور، نفسي كل ست مظلومة تأخذ حقها حتى لو غلطت واتجوزت واحد عديم الضمير والإنسانية، كداب حتى في النفس اللي بيتنفسه".

وواصلت: "ربنا يكفي كل البنات شر عديمي الرجولة، ويكرم كل البنات بناس محترمه تحافظ عليهم، وأكيد في ناس محترمة كتير، ربنا أظهر الحق الحمد لله، وأنا عاوزة أعيش وأربي ولادي وأشوف شغلي وأنسى الأيام السودة اللي شفتها من أول الجواز لغاية يوم الحكم".

وتابعت: "مش عاوزة أسمع اسم أبو أولادي ده تاني، ولا حتى حد يغلط فيه، لأنه مايصحش للأسف علشان ولاده، وربنا كبير، ولسه حسابه عند ربنا، الله يكون في عونه بقى ساعة الحساب اللي مافيهوش معجبات".

وواصلت: "فرحة الناس بظهور الحق أكتر حاجة حسستني إن الناس معايا، أو تحديدا مع الولاد، مين ممكن يعادي أطفال ويظلمهم غير جاحد شيطان؟".

• زينة
• زينة
• زينة
• زينة